ଓସ୍କାର ଦୌଡରେ ସାମିଲ ଏହି ସିନେମା
ଓସ୍କାର ଦୌଡରେ ସାମିଲ ଏହି ସିନେମା
admin
4201
ନୂଆଦିଲ୍ଲୀ : ଆଜି ଭାରତର ଓସ୍କାର ଏଣ୍ଟ୍ରି ସମ୍ପର୍କରେ ଘୋଷଣା କରାଯାଇଛି । ମାଲାୟଲମ ଫିଲ୍ମ ଜାଲିକାଟ୍ଟୁ ଚଳିତ ବର୍ଷର ଓସ୍କାର ପାଇଁ ଭାରତୀୟ ଚଳଚିତ୍ର ଭାବରେ ମନୋନୀତ ହୋଇଛି । ୨୦୧୯ରେ ରିଲିଜ ହୋଇଥିବା ଫିଲ୍ମ ଜାଲିକାଟ୍ଟୁ ୯୩ ତମ ଓସ୍କାର ଦୌଡରେ ପ୍ରାୟ ୨୭ଟି ଫିଲ୍ମକୁ ପଛରେ ପକାଇଛି । ଲିଓ ଜୋସ ପେଲିସେରୀଙ୍କ ନିଦେ୍ର୍ଧଶିତ ଏହି ଫିଲ୍ମକୁ ବ୍ୟବସାୟିକ ସଫଳତା ଏବଂ ସମାଲୋଚକ ମାନେ ମଧ୍ୟ ବେଶ ପ୍ରଶଂସା କରିଥିଲେ । ଏହା ପୂର୍ବରୁ ଏହି ଫିଲ୍ମଟି ଟରଣ୍ଟୋ ଫିଲ୍ମ ଫେଷ୍ଟିଭାଲ ଏବଂ ବୁସାନ ଫେଷ୍ଟିଭାଲରେ ପ୍ରଦର୍ଶିତ ହୋଇଥିଲା ।
ଫିଲ୍ମରେ ଜଣେ ବଳଦ ଶିକାରୀର କାହାଣୀ ଦେଖିବାକୁ ମିଳିଛି । ପଶୁ ଶିକାର ସହିତ ବେକାରୀ, ଯୁବଗୋଷ୍ଠୀଙ୍କ ପ୍ରେମ ଜନିତ ସମସ୍ୟାକୁ ମଧ୍ୟ ଏହି ଫିଲ୍ମରେ ଚମକ୍ରାର ଭାବରେ ଚିତ୍ରଣ କରାଯାଇଛି । ଏହି ଫିଲ୍ମରେ ଆଣ୍ଟୋନି ଭର୍ଗିସ, ଚେମ୍ବନ ବିନୋଦ ଜୋସ ଏବଂ ସବୁମୋନ ଅବଦୁଲ ସମାଦ ମୁଖ୍ୟ ଭୂମିକାରେ ନଜର ଆସିଥିଲେ ।
ଓସ୍କାର ଦୌଡରେ ଏହି ଫିଲ୍ମଟି ଶକୁନ୍ତଳା ଦେବୀ, ଛଲାଙ୍ଗ, ଗୁଲାବୋ ସିତାବୋ, ଦ ସ୍କାଏ ଇଜ ପିଙ୍କ, ଏବ ଆଲି ଉ, ବୁଲବୁଲ ଏବଂ ଛପାକକୁ ପଛରେ ପକାଇଥିଲା । ଏହି ଫିଲ୍ମଟି ଶ୍ରେଷ୍ଠ ବିଦେଶୀ ଚଳଚିତ୍ର ବିଭାଗରେ ମୁକାବିଲା କରିବ । ଉଲ୍ଲେଖଯୋଗ୍ୟ ଯେ,୯୨ ତମ ଓସ୍କାର ପାଇଁ ଭାରତ ପକ୍ଷରୁ ଗଲିବୟକୁ ମନୋନୟନ କରାଯାଇଥିଲା । ତେବେ ଏହି ଫିଲ୍ମଟି ବିଶେଷ ସଫଳତା ହାସଲ କରିପାରିନଥିଲା । କୋରିଆନ ଫିଲ୍ମ ପାରାସାଇଟ ଶ୍ରେଷ୍ଠ ବିଦେଶୀ ଚଳଚିତ୍ର ଭାବରେ ପୁରସ୍କୃତ ହୋଇଥିଲା ।
