ଓଡିଶାରେ ବାଡର଼୍ ଫ୍ଲୁ ଆଶଙ୍କା

Jan 5, 2021 - 08:48 Updated: Jan 5, 2021 - 08:48

1782

ଭୁବନେଶ୍ୱର : ରାଜସ୍ଥାନ, କେରଳ ସମେତ କେତେକ ରାଜ୍ୟରେ ବାଡର଼୍ ଫ୍ଲୁ ଆରମ୍ଭ ହୋଇଯାଇଛି । ଫଳରେ ଅନେକ କାଉ, କୁକୁଡ଼ା, ମୟୂର ଆଦି ପକ୍ଷୀ ମରିଥିବା ଦେଖିବାକୁ ମିଳିଛି । ଦେଶରେ ଏହାକୁ ନେଇ ଆଲର୍ଟ କରାଯାଇଛି । ତେବେ ଓଡ଼ିଶାରେ ବାଡର଼୍ ଫ୍ଲୁ ହୋଇଛି କି ନାହିଁ ସେନେଇ କିଛି ସ୍ପଷ୍ଟ ହୋଇନାହିଁ । ଅପରପକ୍ଷରେ ରାଜ୍ୟରେ ବାଡର଼୍ ଫ୍ଲୁର ଆଶଙ୍କା କରି ଫୁଲନଖରା ପଶୁ ରୋଗ ଗବେଷଣା ପ୍ରତିଷ୍ଠାନକୁ ସାମ୍ପଲ ପଠା ଯାଇଛି । ଚିଲିକା ନଳବଣରୁ ମଧ୍ୟ ସାମ୍ପଲ ସଂଗ୍ରହ କରାଯିବ । ଚିଲିକାରୁ ପକ୍ଷୀ ସାମ୍ପୁଲ ସହ ଓୟୂଏଟିର କୁକୁଡ଼ା ସାମ୍ପଲ ପରୀକ୍ଷଣ ପାଇଁ ପଠାଯିବ । ପରୀକ୍ଷା ପରେ ରାଜ୍ୟରେ ବାଡର଼୍ ଫ୍ଲୁ ହୋଇଛି କି ନାହିଁ ତାହା ସ୍ପଷ୍ଟ ହୋଇଯିବ ବୋଲି ଆଶା କରାଯାଉଛି । ଅପରପକ୍ଷରେ ଏହି ଖବର ପ୍ରକାଶନ ପରେ ଅନେକ କୁକୁଡା ଚାଷୀ ଛାନିଆ ହୋଇପଡ଼ିଛନ୍ତି । ଲକଡାଉନ ଯୋଗୁଁ ଗଲା ବର୍ଷ ସମ୍ପୂର୍ଣ୍ଣ ବ୍ୟବସାୟ ଧୋଇ ହୋଇଯାଇଥିଲା । ଏବେ ଯଦି ବାଡର଼୍ ଫ୍ଲୁର ସଂକେତ ମିଳେ ତେବେ ବ୍ୟବସାୟ ମାନ୍ଦା ପଡ଼ିଯିବ । ଯାହାଫଳରେ ଚାଷୀ ହନ୍ତସନ୍ତ ହେବାର ବି ଆଶଙ୍କା ରହିଛି ।