ଏସଆଇଟି ତଦନ୍ତ ଦିଗହରା : ପ୍ରଦୀପ ମାଝୀ
ଏସଆଇଟି ତଦନ୍ତ ଦିଗହରା : ପ୍ରଦୀପ ମାଝୀ
admin
5998
ଭୁବନେଶ୍ୱର: ବହୁ ଚର୍ଚ୍ଚିତ ନୟାଗଡ଼ ପରୀ ହତ୍ୟା ମାମଲାରେ ଏସଆଇଟି ମୁଖ୍ୟ ଅରୁଣ ବୋଥ୍ରା ଷଡ଼ଯନ୍ତ୍ର କରିଛନ୍ତି । ରାଜନୈତିକ ଲୋକଙ୍କ ଚାପରେ ପଡ଼ି ସେ ଷଡ଼ଯନ୍ତ୍ର କରିଛନ୍ତି । ତଦନ୍ତ ଠିକଭାବେ ନକରି ଜଣଙ୍କ ମୁଣ୍ଡରେ ଅଠା ବୋଳୁଛନ୍ତି । ବୁଧବାର ଏଭଳି ଅଭିଯୋଗ ଆଣିଛନ୍ତି କଂଗ୍ରେସର ବରିଷ୍ଠ ନେତା ପ୍ରଦୀପ ମାଝୀ ।
ଶ୍ରୀ ମାଝୀ କହିଛନ୍ତି ଯେ, ପରୀ ଘଟଣାରେ ସବୁ କିଛି ସନେ୍ଦହଜନକ ଲାଗୁଛି । ଏସଆଇଟି ତଦନ୍ତ ଉପରେ ବିଶ୍ୱାସ ହେଉନାହିଁ । ତେଣୁ ଏହାର ଉଚ୍ଚସ୍ତରୀୟ ତଦନ୍ତ ଦରକାର । ଏସଆଇଟି ତଦନ୍ତରେ କେହି ସନ୍ତୁଷ୍ଟ ନୁହନ୍ତି । ପ୍ରତି ଦିନ ନୂଆ ନୂଆ ତଥ୍ୟ ଦେଉଛନ୍ତି । ଏସଆଇଟି ମୁଖ୍ୟ ଅରୁଣ ବୋଥ୍ରା ସବୁ ନୀତି ନିୟମ ଉଲ୍ଲଂଘନ କରିଛନ୍ତି । ରାଜନୈତିକ ଲୋକଙ୍କ ଚାପରେ ସେ ଷଡ଼ଯନ୍ତ୍ର କରିଛନ୍ତି । ତଦନ୍ତ ଠିକଭାବେ ନକରି ଜଣଙ୍କ ମୁଣ୍ଡରେ ଅଠା ବୋଳୁଛନ୍ତି । ଏସଆଇଟି ତଦନ୍ତ ଦିଗହରା ହୋଇଛି ବୋଲି ପ୍ରଦୀପ ମାଝୀ କହିଛନ୍ତି ।
ଏହା ପୂର୍ବରୁ ବିରୋଧୀ ଦଳ ନେତା ପ୍ରଦୀପ୍ତ ନାଏକ ପରୀ ହତ୍ୟା ମାମଲାରେ ଏସଆଇଟିର ଉଦେ୍ଧଶ୍ୟ ଓ ପାରିବାପଣିଆକୁ ନେଇ ପ୍ରଶ୍ନ ଉଠାଇ କହିଥିଲେ ଯେ, କାହିଁକି ଏସଆଇଟି ଜଣେ ନାବାଳକକୁ ସାବାଳକ ଦେଖାଇବାକୁ ଚେଷ୍ଟା କରୁଥିଲେ । ମାଟ୍ରିକ ପାସ ସାର୍ଟିଫିକେଟର ଜନ୍ମ ପ୍ରମାଣ ସତ୍ତ୍ୱେ ଅଦ୍ଭୂତ କାରଣ ଦର୍ଶାଇଲେ କାହିିଁକି । ଏହା ବେଆଇନ, ଅରୁଣ ବୋଥ୍ରାଙ୍କ ବିରୋଧରେ ଫୌଜଦାରୀ ମାମଲା ହେଉ । ହାଡ଼ ଓସିଫିକେସନ ପରୀକ୍ଷା ପାଇଁ ବୋଥ୍ରାଙ୍କୁ କିଏ ଅନୁମତି ଦେଲା । ମନ୍ତ୍ରୀ ଅରୁଣ ସାହୁ ଓ ବିଜେଡିକୁ ରକ୍ଷା କରିବା ପାଇଁ ଏଭଳି ଉଦ୍ୟମ କରାଯାଇଛି । ବିନା ପ୍ରମାଣରେ ଜଣେ ଦଳିତ ନାବାଳକୁ ଫସାଇ ଦିଆଯାଇଛି । ଅଙ୍ଗ ତସ୍କରୀକୁ ଲୁଚାଇବା ପାଇଁ ଏସଆଇଟି ମନଗଢା କାହାଣୀ କହୁଛି । ଏସଆଇଟି ତଦନ୍ତକୁ ପରୀର ବାପା ଓ ମା’ ବିଶ୍ୱାସ କରୁନାହାନ୍ତି । ସାଧାରଣ ଲୋକଙ୍କ ଭିତରେ ଏସଆଇଟିର ବିଶ୍ୱସନୀୟତା ଆଉ ନାହିଁ । ଘଟଣାର ସଠିକ ତଦନ୍ତ ପାଇଁ ସିବିଆଇକୁ ଦିଆଯାଉ ବୋଲି ବିରୋଧୀ ଦଳ ନେତା ପ୍ରଦୀପ୍ତ ନାଏକ କହିଥିଲେ ।
ପ୍ରକାଶ ଯେ, ବହୁ ଚର୍ଚ୍ଚିତ ନୟାଗଡ଼ ପରୀ ହତ୍ୟା ମାମଲାରେ ମଙ୍ଗଳବାର ଏକ ଭିନ୍ନ ମୋଡ଼ ଆସିଥିଲା । ଅଭିଯୁକ୍ତକୁ ମଙ୍ଗଳବାର କୋର୍ଟ ନାବାଳକଭାବେ ଗ୍ରହଣ କରିଥିଲେ । ପୂର୍ବରୁ ଏସଆଇଟି ଓସିଫିକେସନ ସାର୍ଟିଫିକେଟ ବଳରେ ଅଭିଯୁକ୍ତ ସାବାଳକ ବୋଲି କୋର୍ଟରେ ହାଜର କରିଥିବାବେଳେ ଗତ ସୋମବାର ଅଭିଯୁକ୍ତର ଓକିଲ ଏନେଇ ପିଟିସନ ଦାଖଲ କରିଥିଲେ । ଅଭିଯୁକ୍ତର ଜନ୍ମ ପ୍ରମାଣପତ୍ର ଓ ମାଟ୍ରିକ ସାର୍ଟିଫିକେଟ ଦାଖଲ କରିଥିଲେ । ମଙ୍ଗଳବାର କୋର୍ଟ ଏନେଇ ତଦନ୍ତ କରିଥିଲେ । ଅଭିଯୁକ୍ତର ମାଆଙ୍କୁ କୋର୍ଟକୁ ଡକାଇ ପଚରାଉଚୁରା କରିବା ସହ ପକସୋ କୋର୍ଟ ବିଚାରପତି ଉଦୟଭାନୁ ଜେନା ଗିରଫ ହତ୍ୟା ଅଭିଯୁକ୍ତକୁ ସାବାଳକ ନୁହେଁ, ନାବାଳକ ବୋଲି ରାୟ ଦେଇଥିଲେ ।
