ଇଫକୋ ପରିସରରେ ରଥଯାତ୍ରା
ଇଫକୋ ପରିସରରେ ରଥଯାତ୍ରା
admin
2804
ପାରାଦ୍ୱୀପ : ଲକ୍ଷ୍ମୀନାରାୟଣ ସାହୁ: ଚଳିତବର୍ଷ ପବିତ୍ର ଘୋଷଯାତ୍ରା ପାରାଦ୍ୱୀପସ୍ଥ ଇଫକୋ ପରିସର ମଧ୍ୟରେ ମହା ଆଡମ୍ବରରେ ପାଳୀତ ହୋଇଯାଇଛି । ସକାଳୁ ଯଥା ରିତିନିତିରେ ଚତୁର୍ଦ୍ଧାମୁରତିଙ୍କର ପୂଜା ବିଧି ସମାପନ ପରେ ରଥ ପ୍ରତିଷ୍ଠା କରାଯାଇଥିଲା । ଏହା ପରେ ଘଣ୍ଟ ଘଣ୍ଟା ଖୋଳ କିର୍ତ୍ତନର ତାଳେ ତାଳେ ଜଗନ୍ନାଥ , ବଳଭଦ୍ର, ଦେବୀ ସୁଭଦ୍ରା ଓ ପ୍ରଭୁ ସୁଦର୍ଶନଙ୍କୁ ପହଣ୍ଡି ବିଜେରେ ଅଣାଯାଇ ରଥାରୁଢ କରାଯାଇଥିଲା । ପାରାଦ୍ୱୀପ ଇଫକୋର ୟୁନିଟ୍ ହେଡ୍ କେ.ଜେ.ପଟେଲ ଠାକୁର ରାଜା ହୋଇ ଛେରାପହଁରା କରିବା ପରେ ରଥରେ ଘୋଡା ବନ୍ଧା , ଚାର ଖୋଲା କାର୍ଯ୍ୟ କରାଯାଇ ଭକ୍ତ ମାନଙ୍କ ଗହଣରେ ରଥକୁ ଟଣା ଯାଇଥିଲା । ପ୍ରବନ୍ଧ ମେଘ ପବନ ସତ୍ତେ୍ୱ ଇଫକୋ ପ୍ଲାଣ୍ଟ ପରିସରରେ ଭକ୍ତମାନଙ୍କ ହରିବୋଲକୁ ହୁଳହୁଳି ଧ୍ୱନୀରେ ଏକ ଆଧ୍ୟାତ୍ମିକ ପରିବେଶ ସୃଷ୍ଟି ହୋଇଥିଲା । ଚଳିତ ବର୍ଷ ଶ୍ରୀଗୁଣ୍ଡିଚା ଯାତ୍ରା, ବାହୁଡା ଯାତ୍ରା, ସୁନାବେଶ, ଅଧର ପଣା ନିତୀ ଇଫକୋ ପରିସର ମଧ୍ୟରେ ପାଳନ ହେବାକୁ ସମ୍ପୁର୍ଣ୍ଣ ପ୍ରସ୍ତୁତି ହୋଇଥିବା ଏହାର ବରିଷ୍ଠ ଅଧିକାରୀ ପ୍ରଶନ୍ନ କୁମାର ସୂଚନା ଦେଉଛନ୍ତି ।
