ଆରମ୍ଭ ହେବ ମଦର ହୋମ୍ ଡେଲିଭରୀ
ଆରମ୍ଭ ହେବ ମଦର ହୋମ୍ ଡେଲିଭରୀ
admin
5952
ଗୁରବାର ଅର୍ଥାତ୍ ମେ 7 ତାରିଖରୁ ଆପଣ ଘରେ ବସି ମନପସନ୍ଦ ବ୍ରାଣ୍ଡର ଅର୍ଡର କରିପାରିବେ ମଦ । ପଞ୍ଜାବ ସରକାର ମଦ ଦୋକାନ ଆଗରେ ଗହଳି ହ୍ରାସ କରିବା ପାଇଁ ଏହି ନିଷ୍ପତ୍ତି ନେଇଛନ୍ତି । ତେବେ ଘରେ ବସି ମଦ ପାଇବା ପାଇଁ ପଞ୍ଜାବ ସରକାର କିଛି ନିୟମ ପ୍ରସ୍ତୁତ କରିଛନ୍ତି । ପଞ୍ଜାବରେ ମଦ ଦୋକାନ ଏବେ ମେ 7 ତାରିଖରୁ 9ରୁ ଦିନ ଗୋଟାଏ ପର୍ଯ୍ୟନ୍ତ ଖୋଲିବ । ଏହି ସମୟରେ ଯେକୌଣସି ବ୍ୟକ୍ତି ମଦ ପାଇଁ ଅର୍ଡର କରିପାରିବେ । ଦିନ ଗୋଟାଏରୁ ସନ୍ଧ୍ୟା 6ଟା ଭିତରେ ମଦର ହୋମ୍ ଡେଲିଭରୀ କରାଯିବ ।
ପଞ୍ଜାବ ସରକାର କେବଳ ମଦ ନୁହେଁ ଖାଦ୍ୟ ସାମଗ୍ରୀର ମଧ୍ୟ ହୋମ୍ ଡେଲିଭରୀ ପାଇଁ ଅନୁମତି ଦେଇଛନ୍ତି । ଦିନ ଗୋଟାଏରୁ ସନ୍ଧ୍ୟା 6 ଘଟିକା ପର୍ଯ୍ୟନ୍ତ ଏହି ସବୁ ସାମଗ୍ରୀ ହୋମ ଡେଲଭରୀ ହୋଇପାରିବ । ମଦ ଦୋକାନ ଖୋଲିବା ନେଇ ଅନୁମତି ମିଳିବା ପରେ ଏବେ ବିଭିନ୍ନ ରାଜ୍ୟରେ ମଦ ଦୋକାନ ଆଗରେ ପ୍ରବଳ ଗହଳି ହେଉଥିବାବେଳେ ସାମାଜିକ ଦୂରତ୍ବ ଭଙ୍ଗ ହେଉଛି । ପଞ୍ଜାବର ମୁଖ୍ୟମନ୍ତ୍ରୀ ଏସବୁ ଦେଖି ମଦର ହୋମ୍ ଡେଲିଭରୀ କରିବା ନେଇ ନିଷ୍ପତ୍ତି ନେଇଛନ୍ତି । ପଞ୍ଜାବ ମୁଖ୍ୟମନ୍ତ୍ରୀ ମଦ ଦୋକାନ ଖୋଲିବା ନେଇ ପ୍ରଥମେ କେନ୍ଦ୍ରକୁ ଅନୁମତି ପ୍ରସ୍ତାବ ପଠାଇଥିଲେ । ପଞ୍ଜାବରେ ମଦ ଦୋକାନ ବନ୍ଦ ହେବା କାରଣରୁ ସରକାରଙ୍କୁ ପ୍ରତ୍ୟେକ ମାସ 500 କୋଟିର କ୍ଷତି ହେଉଥିବାର ଜଣାଯାଇଛି ।
