ଆଜି ହୋଇପାରେ ଅଯୋଧ୍ୟା ମସଜିଦ ପାଇଁ ଟ୍ରଷ୍ଟ ଗଠନ
ଆଜି ହୋଇପାରେ ଅଯୋଧ୍ୟା ମସଜିଦ ପାଇଁ ଟ୍ରଷ୍ଟ ଗଠନ
admin
2638
ଉତର ପ୍ରଦେଶର ଅଯୋଧ୍ୟାରେ ମସଜିଦ ନିର୍ମାଣ ପାଇଁ ସୁନ୍ନୀ ସେଂଟ୍ରାଲ ୱାକଫ ବୋର୍ଡ ତରଫରୁ ଆଜି ଟ୍ରଷ୍ଟ ଗଠନର ଘୋଷଣା କରିବ । ମସଜିଦ ଟ୍ରଷ୍ଟରେ ମୋଟ ୧୦ ଜଣ ସଦସ୍ୟଙ୍କୁ ସ୍ଥାନ ମିଳିବ । ମିଳିଥିବା ସୂଚନା ଅନୁଯାୟୀ ସୁନ୍ନୀ ସେଣ୍ଟ୍ରାଲ ବୋର୍ଡରେ ଚେୟାରମ୍ୟାନ ଜୁଫର ଫାରୁକୀଙ୍କ ସମେତ ଅନ୍ୟ ୬ ଜଣ ମହମ୍ମଦ ଜୁନେଦ ସିଦ୍ଦୀକୀ, ବିଧାୟକ ଅବରାର ଅହମଦ, ଅଦନାନ ଫାରୁଖ ଶାହ, ଜୁନିଦ ସିଦ୍ଦୀକୀ ଏବଂ ସୟଦ ଅହମଦ ଅଲି ସାମିଲ ହୋଇପାରନ୍ତି ।
ସୂଚନା ଅନୁସାରେ ମସଜିଦ ଟ୍ରଷ୍ଟର ନାମ ‘ଇଣ୍ଡୋ ଇସଲାମିକ କଲଚର ଫାଉଣ୍ଡେଶନ’ ରଖାଯାଇପାରେ । ଆଇନ ମାମଲାରେ ଗଭୀର ଜ୍ଞାନ ରଖିଥିବା ଜଣେ ବ୍ୟକ୍ତିଙ୍କୁ ଟ୍ରଷ୍ଟରେ ସ୍ଥାନ ମିଳିପାରେ । ଅଯୋଧ୍ୟାରୁ ସମାଜିକ ମଙ୍ଗଳ ଦିଗରେ କାମ କରୁଥିବା ଜଣେ ମୁସଲିମ ବ୍ୟକ୍ତିଙ୍କୁ ମଧ୍ୟ ସାମିଲ କରାଯାଇପାରେ ।
ସେହିଭଳି ଉତ୍ତର ପ୍ରଦେଶ ସରକାରଙ୍କ ତରଫରୁ ମସଜିଦ ଟ୍ରଷ୍ଟରେ ଜଣେ ସଦସ୍ୟ ରହିବେ । ଏହା ବ୍ୟତୀତ ଟ୍ରଷ୍ଟରେ ଏଭଳି ଜଣେ ବ୍ୟକ୍ତି ବିଶେଷଙ୍କୁ ସାମିଲ କରାଯିବ, ଯିଏକି ନିଜସ୍ୱ ଉଦ୍ୟମରେ ସମାଜରେ ଭଲ ନାମ କରିଥିବେ ।
ସୂଚନାଯୋଗ୍ୟ, ସୁପ୍ରିମ କୋର୍ଟଙ୍କ ନିର୍ଦ୍ଦେଶ ଅନୁସାରେ ଉତ୍ତର ପ୍ରଦେଶ ସରକାର ମୁସଲିମ ପକ୍ଷକୁ ଅଯୋଧ୍ୟାର ଧନ୍ନୀପୁର ଗାଁରେ ମସଜିଦ ନିର୍ମାଣ ପାଇଁ ୫ ଏକର ଜମି ପ୍ରଦାନ କରିଥିଲେ । ଏହି ଜମିକୁ ସୁନ୍ନୀ ସେଣ୍ଟ୍ରାଲ ବୋର୍ଡ ନିଜର ଗତ ବୈଠକରେ ଏହାକୁ ସ୍ୱୀକାର କରିଥିଲା । ସୁପ୍ରିମ କୋର୍ଟ ଗତ ବର୍ଷ ନଭେମ୍ବର ୯ରେ ଅଯୋଧ୍ୟା ବିବାଦର ଐତିହାସିକ ରାୟ ଶୁଣାଇଥିଲେ । ସୁପ୍ରିମ କୋର୍ଟ ନିଜର ରାୟରେ ବିବାଦିତ ୬୭ ଏକର ଜମିକୁ ରାମ ମନ୍ଦିରକୁ ସମର୍ପଣ କରିଥିଲେ ।
