କରୋନା ମୁକାବିଲା ନେଇ ରାଜ୍ୟ ସରକାରଙ୍କ ବୈଠକ
କରୋନା ମୁକାବିଲା ନେଇ ରାଜ୍ୟ ସରକାରଙ୍କ ବୈଠକ
admin
1752
ସାରା ବିଶ୍ୱରେ ଆତଙ୍କ ଖେଳାଇବା ପରେ ଏବେ ଭାରତରେ ନିଜ ଉପସ୍ଥିତି ଜାହିର କରିଛି କରୋନା ଭାଇରସ । ଦୁଇଦିନ ମଧ୍ୟରେ କରୋନା ଭାଇରସରେ ଆକ୍ରାନ୍ତ ହୋଇଥିବା 28 ଜଣ ରୋଗୀଙ୍କୁ ଚିହ୍ନଟ କରାଯିବା ପରେ ସାରା ଦେଶରେ ଏହାକୁ ନେଇ ଖେଳି ଯାଇଛି ଆତଙ୍କ । କରୋନାକୁ ନେଇ ରାଜ୍ୟ ସରକାର ଆରମ୍ଭ କରିଛନ୍ତି ଜୋରଦାର ପ୍ରସ୍ତୁତି ।
ଏ ନେଇ ଆଜି ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟର ସମୀକ୍ଷ ବୈଠକ ବସିଛି । ସମୀକ୍ଷା ବୈଠକ ଶେଷ ପରେ ସ୍ୱାସ୍ଥ୍ୟ ସଚିବଙ୍କ ସୂଚନା ଗଣମାଧ୍ୟମକୁ ସୂଚନା ଦେଇଛନ୍ତି । ରାଜ୍ୟରେ କରୋନା ରକ୍ତ ନମୁନା ପରୀକ୍ଷା କେନ୍ଦ୍ର ଖୋଲିବା ପାଇଁ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରୀଙ୍କୁ ଚିଠି ଲେଖାଯିବ । କଟକ SCB ଓ RMRC ରେ ରକ୍ତ ପରୀକ୍ଷା କରିବା ପାଇଁ ଲେଖାଯିବ ଚିଠି । କୌଣସି ସ୍ଥାନରେ ଏକତ୍ର ନହେବା ତଥା ବଡ ବଡ ସଭାସମିତି ନକରିବା ନେଇ ଲୋକ ମାନଙ୍କୁ ସଚେତନତା କରାଯାଉଛି । କରାମର୍ଦନ, ଆଲିଙ୍ଗନ ନ କରିବାକୁ ମଧ୍ୟ ଲୋକଙ୍କୁ ପରାମର୍ଶ ଦିଆଯାଉଛି ବୋଲି ଗଣମାଧ୍ୟମକୁ ସୂଚନା ଦେଇଛନ୍ତି ସ୍ୱାସ୍ଥ୍ୟ ସଚିବ ନିକୁଞ୍ଜ ଧଳ ।
ସେହିଭଳି ବର୍ତ୍ତମାନ ସୁଦ୍ଧା ୧୧୫ ସନ୍ଦିଗ୍ଧ ରୋଗୀ ଙ୍କୁ ଚିହ୍ନଟ କରାଯାଇ ହୋମ ଆଇସୋଲେସନ ପାଇଁ ପରାମର୍ଶ ଦିଆଯାଇଛି । ସେମାନଙ୍କ ନିୟମିତ ସ୍ଵାସ୍ଥ୍ୟ ପରିକ୍ଷା କରାଯାଉଛି । ଭିଡିଓ ପର୍ମାର୍ଟରେ ଲୋକଙ୍କୁ ଅଧିକ ସଚେତନ କରାଯିବ । ସେଥିପାଇଁ ଗାଇଡ୍ ଲାଇନ ପ୍ରସ୍ତୁତ କରାଯାଇଛି । ବର୍ତ୍ତମାନ ଗଣଶିକ୍ଷା ବିଭାଗ, ନିର୍ମାଣ ବିଭାଗ ଭଳି ବିଭିନ୍ନ ଲାଇନ ଡିପାର୍ଟମେଣ୍ଟକୁ ସଚେତନତା ପାଇଁ ସାମିଲ କରାଯାଇଛି । ଭାଇରସ୍ ମୁକାବିଲା ପାଇଁ ସମସ୍ତ ପ୍ରକାର ପ୍ରତିଶେଧକ ବ୍ୟବସ୍ଥା କରାଯାଇଛି ବୋଲି ଡିଏମଇଟି ସିବିକେ ମହାନ୍ତି କହିଛନ୍ତି ।
