ଆଜି ଶ୍ରୀ ଲିଙ୍ଗରାଜଙ୍କ ବିବାହ

Jun 7, 2019 - 09:47 Updated: Jun 7, 2019 - 09:47

3160

ମହାପ୍ରଭୁ ଶ୍ରୀ ଲିଙ୍ଗରାଜଙ୍କ ଆଜି ବିବାହ । ଶ୍ରୀଜୀଉଙ୍କ ମଙ୍ଗଳକୃତ୍ୟ ଗୁରୁବାର ରୀତିନୀତି ଅନୁସାରେ ସମ୍ପନ ହୋଇଛି । ସନ୍ଧ୍ୟା ଧୂପରେ ମଙ୍ଗଳ କୃତ୍ୟ ଆରମ୍ଭ ହୋଇଥିଲା । ମହାସୁଆର ସେବକ ମଙ୍ଗନ ହାଣ୍ଡି ପ୍ରସ୍ତୁତ କରିଥିଲେ । ମଙ୍ଗନ ହାଣ୍ଡି ମନ୍ଦିର ଭିତରେ ବୁଲିବା ପରେ ୮ଟି ହାଣ୍ଡିକୁ ସେବାୟତମାନେ ନେଇ ଅଷ୍ଟଚଣ୍ଡିଙ୍କୁ ନିମନ୍ତ୍ରଣ କରିଥିଲେ । ସେବାୟତଙ୍କ ସହ ଘଂଟ ଘଂଟା, କାହାଳି, ମଶାଲ ଆଦି ଧରି ମା ଗୌରୀ, ମା ରାମାୟଣୀ, ମା କପାଳୀ, ମା ଉତରାୟଣୀ, ମା ଅମ୍ବିକା, ମା ଦ୍ୱାରାବାସିନୀ, ମା ମହନୀ ଏବଂ ମା ବିନ୍ଧ୍ୟବାସିନୀଙ୍କୁ ନିମନ୍ତ୍ରଣ କରିଥିଲେ । ଅଷ୍ଟଚଣ୍ଡିଙ୍କୁ ସେବାୟତ ଫୁଲ ଚନ୍ଦନ ଦେଇ ପୂଜାର୍ଚ୍ଚନା କରି ପୃଥକ ପୃଥକ ନିମନ୍ତ୍ରଣ କରିଥିଲେ । ଆଜି ଶ୍ରୀଜୀଉଙ୍କ ବିବାହରେ ଯୋଗ ଦେବା ଲାଗି ନିମନ୍ତ୍ରଣ କରାଯାଇଥିଲା ।