ଆଜି କରୋନା ଉପରେ ଅତିରିକ୍ତ ସ୍ୱାସ୍ଥ୍ୟ ସଚିବ କଣ କଣ କହିଲେ ଜାଣନ୍ତୁ
ଆଜି କରୋନା ଉପରେ ଅତିରିକ୍ତ ସ୍ୱାସ୍ଥ୍ୟ ସଚିବ କଣ କଣ କହିଲେ ଜାଣନ୍ତୁ
admin
6586
ଭୁବନେଶ୍ୱର: କୋଭିଡ ନିୟମ ପାଳନ କରିବାକୁ ନିବେଦନ କଲେ ସ୍ୱସ୍ଥ୍ୟ ଏସିଏସ । ଏନେଇ ସ୍ୱାସ୍ଥ୍ୟ ବିଭାଗ ଅତିରିକ୍ତ ମୁଖ୍ୟ ସଚିବ ପ୍ରଦୀପ୍ତ ମହାପାତ୍ର ତାଙ୍କର ମନ୍ତବ୍ୟ ରଖିଛନ୍ତି । ଦ୍ୱିତୀୟ ଲହର ଏତେ ଭୟାନକ ହେବ ବୋଲି ଆଶା କରିନଥିଲୁ । ଏବେ ଦେଶର ୮୦ ପ୍ରତିଶତ କେସ ୮/୯ଟି ରାଜ୍ୟ ଆସୁଛି । ସଂକ୍ରମଣରେ ଜାତୀୟ ହାରରେ ଓଡିଶାର ଭାଗ ପ୍ରାୟ ୧.୮% ରହିଛି । ଆଜି ସଂକ୍ରମଣରେ ସର୍ବକାଳୀନ ରେକର୍ଡ ୮୬୮୧ ରହିଛି ବୋଲି ଏସିଏସ କହିଛନ୍ତି । କୋଭିଡ ନିୟମ ପାଳନ କଲେ ଆମେ ଏହାକୁ ନିୟନ୍ତ୍ରଣ କରିପାରିବା । କୋଭିଡ ନିୟମ ମାନନ୍ତୁ, ମାସ୍କ ପିନ୍ଧନ୍ତୁ, ବଜାର ଗଲେ ସଚେତନ ରୁହନ୍ତୁ । ଆମ ରାଜ୍ୟରେ ଟେଷ୍ଟିଂ ବଢ଼ାଇଛୁ, ୨୫ ହଜାର ଆରଟିପିସିଆର ଲକ୍ଷ୍ୟ ରଖିଛୁ । ପଶ୍ଚିମବଙ୍ଗ, ଛତିଶଗଡ ସୀମା ସିଲ କରି ସଂକ୍ରମଣ ନିୟନ୍ତ୍ରଣ ଚେଷ୍ଟା କରିଛୁ । ଦେଶର ସ୍ଥିତି କେଉଁ ଆଡକୁ ଯିବ, କେହି ଆକଳନ କରିପାରୁନାହାଁନ୍ତି । ଯେତେ ପଦକ୍ଷେପ ନେଲେ ବି କୋଭିଡ ଲହର ଏପର୍ଯ୍ୟନ୍ତ କମିନାହିଁ । ହସ୍ପିଟାଲ ବ୍ୟବସ୍ଥା ଅନୁଯାୟୀ ଏବେ ଠିକ ଅବସ୍ଥାରେ ଅଛୁ ବୋଲି କହିଛନ୍ତି ଏସିଏସ । ଆଗକୁ ସ୍ଥିତି କ’ଣ ହେବ , କିଛି ଆକଳନ କରି ହେବନାହିଁ ବୋଲି କହିଛନ୍ତି । ଏବେ ୩୩% ସାଧାରଣ ବେଡ, ୬୯% ଆଇସିୟୁ, ୩୫% ଭେଣ୍ଟିଲେଟର ବ୍ୟବହୃତ ହେଉଛି । ରାଜ୍ୟରେ ଅକ୍ସିଜେନର କୌଣସି ଅଭାବ ହେବ ନାହିଁ । କୌଣସି ହସ୍ପିଟାଲରେ ସିଲିଣ୍ଡର ଯେମିତି ଖାଲି ରହିବନି, ନିଦେ୍ର୍ଧଶ ହୋଇଛି ।
ଅନ୍ୟପକ୍ଷରେ କରୋନା ଔଷଧ ରେମଡେସିଭିର ସମ୍ପର୍କରେ ସ୍ୱାସ୍ଥ୍ୟ ମସିଏସ ମଧ୍ୟ ସୂଚନା ଦେଇଛନ୍ତି । ଦୈନିକ ରାଜ୍ୟରେ ୧୨ ଶହ ରେମଡେସିଭିର ଦରକାର ହେଉଛି । ଆମ ପାଖରେ ଏବେ ୪୩ ହଜାର ରେମଡେସିଭିର ଷ୍ଟକ ଅଛି । କାଲି ଆଉ ୨୧ ହଜାର ରେମଡେସିଭିର ଆମ ପାଖରେ ପହଁଞ୍ଚôବ । ଯେଉଁ ଅଭାବ କଥା କୁହାଯାଉଛି, ସେସବୁ ଘରୋଇ ହସ୍ପିଟାଲରେ । କୋଭିଡ ପଜିଟିଭ ହେଲେ ତରବର ହୋଇ ହସ୍ପିଟାଲ ଚାଲି ଆସନ୍ତୁନି । ହୋମ ଆଇସୋଲେସନରେ ରୁହନ୍ତୁ, ଯାହାକୁ ଜରୁରୀ ସେ ହସ୍ପିଟାଲ ଆସନ୍ତୁ । ଘରେ ରୁହନ୍ତୁ, ଯଦି ଅବସ୍ଥା ଗୁରୁତର ହେଲା ଆମ୍ବୁଲାନ୍ସ ଯାଇ ଆଣିବ । ଜଣେ ଗୁରୁତର ରୋଗୀକୁ ହସ୍ପିଟାଲରେ ଚିକିତ୍ସା ସୁବିଧା ଦିଅନ୍ତୁ ।
ଟିକା ଆସିଲେ ଟିକାକରଣ ହେବ ବୋଲି ଏସିଏସ କହିଛନ୍ତି । ୧୮ ରୁ ୪୪ ବର୍ଗଙ୍କୁ ଟିକାକରଣ ପ୍ରସଙ୍ଗରେ ସ୍ୱାସ୍ଥ୍ୟ ଏସିଏସ ସୂଚନା ଦେଇଛନ୍ତି । ଆମ ରାଜ୍ୟରେ ପ୍ରାୟ ୧.୯୩ କୋଟି ୧୮ ରୁ ୪୪ ବର୍ଷର ଲୋକ ଅଛନ୍ତି । ସମସ୍ତଙ୍କୁ ମାଗଣାରେ ଟିକା ଦିଆଯିବ ବୋଲି ମୁଖ୍ୟମନ୍ତ୍ରୀ କହିଛନ୍ତି । ଟିକା ପାଇଁ ଦୁଇ କଂପାନୀକୁ ରାଜ୍ୟ ସରକାର ଅର୍ଡର କରିଛନ୍ତି । କେବେ ଆମ ପାଖରେ ଟିକା ପହଁଞ୍ଚôବ, କିଛି ସ୍ପଷ୍ଟ ସୂଚନା ମିଳିନାହିଁ । ଟିକା ପହଁଞ୍ଚôଲେ ୧୮-୪୪ ବର୍ଗଙ୍କୁ ଟିକାକରଣ ଆରମ୍ଭ କରାଯିବ । ଟିକା କିଣା ବାବଦରେ ଗତକାଲି ଔଷଧ ନିଗମକୁ ୭ଶହ କୋଟି ଦେଇଛୁ । ସମସ୍ତେ ଟିକା ପାଇଁ ପଂଜୀକରଣ କରନ୍ତୁ, ଟିକା ଆସିଲେ ଦିଆଯିବ । ୧ମ ଡୋଜ ନେଇଥିବା ବ୍ୟକ୍ତିଙ୍କୁ ୨ୟ ଡୋଜ ପାଇଁ ଅଗ୍ରାଧିକାର ମିଳିବ ବୋଲି କହିଛିନ୍ତି ଏସିଏସ ।
