ଅନ୍ତର୍ଜାତୀୟ ଚଳଚ୍ଚିତ୍ରରେ ନାୟକ ହେଲେ ବରଗଡ଼ର ଜଗନ୍ନାଥ
ଅନ୍ତର୍ଜାତୀୟ ଚଳଚ୍ଚିତ୍ରରେ ନାୟକ ହେଲେ ବରଗଡ଼ର ଜଗନ୍ନାଥ
admin
2501
ସମ୍ବଲପୁର: ପ୍ରଥମଥର ପାଇଁ ଅନ୍ତର୍ଜାତୀୟ ଚଳଚ୍ଚିତ୍ରରେ ନାୟକ ଭାବେ ଅଭିନୟ ଯାଦୁ ଦେଖାଇ ସ୍ଥାନୀୟ ଅଞ୍ଚଳ ତଥା ପୁରା ଓଡ଼ିଶା ପାଇଁ ଗୌରବ ଆଣିଛନ୍ତି ବରଗଡ଼ ଜିଲ୍ଲା ପଦ୍ମପୁର ମହୁଲିପାଲିର ଜଗନ୍ନାଥ ସେଠ । ଆସାମର ସେମଖୋର ପାହାଡ଼ ନାମରେ ଆଦିବାସୀଙ୍କ ଜୀବନଶୈଳୀ ଉପରେ ଏହି ଫିଲ୍ମଟି ନିର୍ମାଣ ହେଉଛି । ପାହାଡ଼ର ନାମ ଅନୁଯାୟୀ ଫିଲ୍ମର ନାମ ‘ସେମଖୋର’ ରଖାଯାଇଛି । ଏହି ପାହାଡ଼ ଅଞ୍ଚଳରେ ରହୁଥିବା ଦିମାସା ଆଦିବାସୀଙ୍କ ଉପରେ ପ୍ରଥମ ଥର ପାଇଁ ଫିଲ୍ମ ତିଆରି କରାଯାଇଛି । ସ୍ୱାଧୀନତାର ୭୩ ବର୍ଷ ବିତି ସାରିଥିଲେ ମଧ୍ୟ ଆଜିବି ସେହି ଅଞ୍ଚଳରେ ଲୋକେ ମୋବାଇଲ କଣ ଜାଣନ୍ତି ନାହିଁ, ପାଣିକୁ ଭଗବାନ ବୋଲି ମାନନ୍ତି । ଆଉ ଏବେ ବି ସେଠାରେ ୧୨ ବର୍ଷର ଝିଅ ପୁଅଙ୍କ ଭିତରେ ବିବାହ ହେଉଛି । ଲୋକେ ଚନ୍ଦ୍ରରେ ରହିବା ପାଇଁ ଭାବିବା ବେଳେ ଆଧୁନିକ ଦୁନିଆଠାରୁ ସମ୍ପୂର୍ଣ୍ଣ ଭାବେ ବିଚ୍ଛିନ୍ନ ହୋଇ ରହିଯାଇଛି ଏହି ଅଞ୍ଚଳ । ସେମାନଙ୍କ ଭାଷାରେ ସେମାନଙ୍କ ଜୀବନଶୈଳୀ ଉପରେ ଏହି ଚଳଚ୍ଚିତ୍ର ନିର୍ମାଣ କରାଯାଇଥିବା ବେଳେ ଲିଡ ରୋଲରେ ପ୍ରଥମ ଥର ସୁଯୋଗ ପାଇଛନ୍ତି ଜଗନ୍ନାଥ । ସବୁଠାରୁ ବଡ଼ କଥା ହେଲା ସେମାନଙ୍କ ଭାଷା ଶିଖିବା ସହ ଡବିଂରେ ନିଜେ ସେ ଭଏସ ଦେଇଛନ୍ତି । ତାଙ୍କ ନାୟିକା ସାଜିଛନ୍ତି ଆସାମର ସୁନାମଧନ୍ୟ ଅଭିନେତ୍ରୀ ଆଇମି ବରୁଆ । ସମୀର ଶଶାଙ୍କ ନିଦେ୍ର୍ଧଶନା ଦେଇଥିବା ବେଳେ ଅଭିନେତ୍ରୀ ଆଇମି ଏହାର ପ୍ରଯୋଜନା କରିଛନ୍ତି । ଫିଲ୍ମଟି ଆସନ୍ତା ବର୍ଷ ରିଲିଜ ହେବ । ଭାରତ ସହ ୧୦ ରୁ ଅଧିକ ଦେଶରେ ମୁକ୍ତିଲାଭ କରିବା ପାଇଁ ପ୍ରଯୋଜନା ସଂସ୍ଥା ଯୋଜନା ରଖିଛି । ନ୍ୟାସନାଲ ସ୍କୁଲ ଅଫ ଡ୍ରାମାରୁ ୨୦୧୦ ରେ ସ୍ନାତକ ଲାଭ କରିବା ପରେ ଜଗନ୍ନାଥ ପ୍ରଥମ ଥର ପାଇଁ ବଡ଼ ପରଦାରେ ଲିଡ ରୋଲରେ ନଜର ଆସିବାକୁ ଯାଉଛନ୍ତି । ୩୪ ବର୍ଷୀୟ ଜଗନ୍ନାଥଙ୍କ ଥିଏଟରରେ ୨୩ ବର୍ଷର ଅଭିଜ୍ଞତା ରହିଛି । ସେ ଲୋକ ନାଟ୍ୟ ସଂସ୍ଥାରୁ ପଦମପୁରରୁ ଅଭିନୟ ଜୀବନ ଆରମ୍ଭ କରିଥିଳେ । ବର୍ତ୍ତମାନ ସେ ମୁମ୍ବାଇରେ ରହୁଛନ୍ତି ।
