ଚା’ ସହ ଖାଆନ୍ତୁ ନାହିଁ ଏଭଳି ଖାଦ୍ୟ
admin
ଏକ କପ୍ ଚା’ରୁ ଆରମ୍ଭ କରିଥାଆନ୍ତି ଅଧିକାଂଶ ଲୋକେ ନିଜ ଦିନର ଆରମ୍ଭ । କିଛି ଚା’ପ୍ରେମୀ ରହିଛନ୍ତି, ଯେଉଁମାନେ ପ୍ରତି ୨ ଘଣ୍ଟାରେ ଚା’ ପିଇଥାଆନ୍ତି। ଅନେକ ସମୟରେ ଚା’ ସହ ପକୁଡି,ବିସ୍କୁଟ୍ ଆଦି ଖାଇବାକୁ ପସନ୍ଦ କରିଥାଆନ୍ତି। ମାତ୍ର ସ୍ୱାସ୍ଥ୍ୟ ପାଇଁ ଏହା କ୍ଷତିକାରକ।
ଚା’ ସହ ପାଳଙ୍ଗ ପକୁଡି ଖାଇବା ସ୍ୱାସ୍ଥ୍ୟ ପାଇଁ କ୍ଷତିକାରକ। ପାଳଙ୍ଗ ଶାଗ ଆଇରନରେ ଭରପୁର। ସେହିପରି ଚା’ରେ ଟେନିନ୍ ରହିଛି। ଉଭୟ ଶରୀର ପାଇଁ ଏକାସହ ସେବନ କରିବା କ୍ଷତିକାରକ। ଚା’ ସହ ଆଇରନ ଥିବା ଖାଦ୍ୟଜିନିଷ ଖାଆନ୍ତୁ ନାହିଁ।
ଅଧିକାଂଶ ଲୋକେ ଚା’ ସହ ବିସ୍କୁଟ୍ ଖାଇବାକୁ ପସନ୍ଦ କରିଥାଆନ୍ତି। ମାତ୍ର ଏହି ଖାଦ୍ୟକୁ ଏକାଠି ଖାଇବା ପେଟ ପାଇଁ କ୍ଷତିକାରକ। ବିସ୍କୁଟ୍ରେ ମଇଦା ଓ ଚିନି ମିଶି ପ୍ରସ୍ତୁତ ହୋଇଥାଏ। ଚା’ରେ ମଧ୍ୟ ଚିନି ଥାଏ। ଫଳରେ ଶରୀରକୁ ଏକାସହ ଅଧିକ ଚିନି ଯାଇଥାଏ। ଏହା ପେଟ ପାଇଁ କ୍ଷତିକାରକ ହେବା ସହ ପାଚନ ଜନିତ ସମସ୍ୟା ସହ କୋଷ୍ଠକାଠିନ୍ୟ, ଏସିଡିଟି ସମସ୍ୟା ସୃଷ୍ଟି କରିଥାଏ।
ଚା’ ପିଇବା ପରେ କିମ୍ବା ଚା’ ସହ ଲେମ୍ବୁର ଆଦୌ ସେବନ କରନ୍ତୁ ନାହିଁ। ଏସିଡିଟି ସମସ୍ୟା ସୃଷ୍ଟି ହୋଇଥାଏ। ପାଚନ ଜନିତ ସମସ୍ୟା ମଧ୍ୟ ସୃଷ୍ଟି ହୋଇଥାଏ।
ଚା’ ପିଇବାର ତୁରନ୍ତ ପରେ ପାଣି କଦାପି ପିଇବା ଉଚିତ ନୁହେଁ। ଏହାସହ ଆଇସକ୍ରିମ କିମ୍ବା ଅନ୍ୟ କୌଣସି ଥଣ୍ଡାପାନୀୟ ପିଇବା ଉଚିତ ନୁହେଁ। ଏହାଦ୍ୱାରା ପାଚନ ତନ୍ତ୍ର ଭଲ ଭାବେ କାର୍ଯ୍ୟ କରିନଥାଏ। ଖାଦ୍ୟ ଭଲରେ ହଜମ ନହେବା ସହ ପେଟ ଜନିତ ଅନେକ ସମସ୍ୟା ସୃଷ୍ଟି ହୋଇଥାଏ।
