ସୌମ୍ୟ ଓ ସୁଧାଂଶୁ ବିଦା
admin
9026
ଭୁବନେଶ୍ୱର : ବିଜେଡ଼ି ସୁପ୍ରିମୋ ଖଣ୍ଡପଡ଼ା ବିଧାୟକ ସୌମ୍ୟରଞ୍ଜନ ପଟ୍ଟନାୟକ ଓ ରେମୁଣା ବିଧାୟକ ସୁଧାଂଶୁ ଶେଖର ପରିଡ଼ାଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ନେଇଛନ୍ତି । ଉଭୟଙ୍କୁ ବିଜେଡ଼ିରୁ ବହିଷ୍କାର କରାଯାଇଛି । ଫଳରେ ସେମାନେ ଆଉ ବିଜେଡ଼ିର ବିଧାୟକ ଭାବେ ମାନ୍ୟତା ପାଇବେ ନାହିଁ । ପୂର୍ବରୁ ଗୋପାଳପୁର ବିଧାୟକ ଡକ୍ଟର ପ୍ରଦୀପ ପାଣିଗ୍ରାହୀ ଓ ଚିଲିକା ବିଧାୟକ ପ୍ରଶାନ୍ତ ଜଗଦ୍ଦେବଙ୍କୁ ବି ଦଳରୁ ବହିଷ୍କାର କରାଯାଇଥିଲା ।
ସୌମ୍ୟ ଖୁବଶୀଘ୍ର ଦଳରୁ ବିଦା ହେବେବୋଲି ପୂର୍ବରୁ ଅନୁମାନ କରାଯାଉଥିଲା । ଅପରପକ୍ଷରେ କୃଷି ଯନ୍ତ୍ରପାତି ଦୁର୍ନୀତି ମାମଲାରେ ସୁଧାଂଶୁ ଛନ୍ଦି ହୋଇ ଯାଇଛନ୍ତି । ତାଙ୍କ ବିରୋଧରେ ପ୍ରମାଣ ବି ମିଳିଛି । ନିର୍ବାଚନ ଆଗକୁ ଥିବାରୁ ତାଙ୍କୁ ବି ଦଳ ବହିଷ୍କାର କରି ଦୁର୍ନୀତି ପ୍ରତି ଶୂନ୍ୟ ସହନଶୀଳତା ନୀତି ଆପଣାଇଛି ।
