ରାଜ୍ୟ ସରକାରଙ୍କ ଆକ୍ସନ ମୁଡ଼, କମ୍ ପିଲା ଥିଲେ ସ୍କୁଲରେ ପଡ଼ିବ ତାଲା
admin
8252
ଭୁବନେଶ୍ବର: କମ୍ ପିଲାଙ୍କୁ ନେଇ ବିଗତ କିଛି ବର୍ଷରୁ ଭୁବନେଶ୍ବରରେ ଚାଲୁଥିବା ସ୍କୁଲର ଚଞ୍ଚକତା ଧରା ପଡ଼ିବା ପରେ ଆକ୍ସନ ମୁଡ଼ରେ ରାଜ୍ୟ ସରକାର । ଏଣିକି କମ୍ ପିଲାରେ ସ୍କୁଲ ଚାଲିଲେ କାର୍ୟ୍ୟାନୁଷ୍ଠାନ ନେବ ବିଦ୍ୟାଳୟ ଓ ଗଣଶିକ୍ଷା ବିଭାଗ । ଏପରିକି ସ୍କୁଲ ସଂପୂର୍ଣ୍ଣ ଭାବେ ବନ୍ଦ କରାଯିବ । ବିଗତ ବର୍ଷରୁ ଆରମ୍ଭ ହୋଇଥିବା ଏହି ପ୍ରକ୍ରିୟା ହେବ ଆହୁରି ଅଧିକ ତ୍ବରିତ । ସରକାରୀ ମାନ୍ୟତା ଅପେକ୍ଷାରେ ଥିବା ସ୍କୁଲଗୁଡ଼ିକ ରହିଛନ୍ତି ସ୍କାନରରେ ।
ରାଜଧାନୀରେ ସରକାରୀ ସ୍କୁଲର ଚଞ୍ଚକତା ଧରାପଡ଼ିବା ପରେ ସ୍କାନରେ ଶତାଧିକ ସ୍କୁଲ । ପୂର୍ବରୁ ବନ୍ଦ ହୋଇଛି, ଆହୁରି ବନ୍ଦ ହେବ ସ୍କୁଲ । ରାଜ୍ୟର ଅନେକ ସ୍କୁଲରେ ଆଡମିଶନ ହୋଇଛନ୍ତି କମ୍ ପିଲା । ବିଦ୍ୟାଳୟ ଓ ଗଣଶିକ୍ଷା ବିଭାଗକୁ ନ ଜଣାଇ କ୍ଲାସ୍ ଚାଲିଛି । ନିୟମ ଅନୁସାରେ ୫୦ରୁ ଅଧିକ ପିଲାଙ୍କୁ ନେଇ ସ୍କୁଲ ଚାଲିବା କଥା । ହେଲେ ଏହି ନିୟମକୁ ଖିଲାଫ୍ କରାଯାଉଥିବା ଦେଖିବାକୁ ମିଳିଛି । ଏହିଭଳି ୩୦ରୁ ଅଧିକ ସ୍କୁଲ ବିଗତ ଦିନରେ ବନ୍ଦ କରାଯାଇଛି । ଆଗକୁ ସରକାରୀ ମାନ୍ୟତା ପାଇବାକୁ ଅପେକ୍ଷା କରିଥିବା ୧୯୪ ସ୍କୁଲର ଛାତ୍ରଛାତ୍ରୀ ଉପସ୍ଥାନକୁ କଡ଼ାକଡ଼ି ଭାବେ ଯାଞ୍ଚ କରାଯିବ । ନିୟମ ଖିଲାଫ୍ କରୁଥିଲେ ସରକାରୀ ମାନ୍ୟତା ମିଳିବା ତ ଦୂରର କଥା ସ୍କୁଲରେ ତାଲା ଝୁଲିବ । ଏନେଇ ସୂଚନା ଦେଇଛନ୍ତି ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶ ।
