ରାଜଧାନୀରେ ମୁମ୍ବାଇ ପୁଲିସ, ବନ୍ଧା ହେଲେ ୨ ଠକ
user2
5707
ଭୁବନେଶ୍ବର : ରାଜଧାନୀରେ ମୁମ୍ବାଇ ପୋଲିସ । ସହିଦନଗର ଅଞ୍ଚଳରୁ ଦୁଇ ଜଣ ଠକକୁ ଗିରଫ କଲା ପୋଲିସ । କମିଶନରେଟ ପୋଲିସ ସହାୟତାରେ ଦୁଇ ଠକକୁ ବାନ୍ଧିଲା ପୋଲିସ ।ଗିରଫ ପରେ ଦୁଇ ଅଭିଯୁକ୍ତକୁ ଟ୍ରାଞ୍ଜିଟ ରିମାଣ୍ଡରେ ନେଲା ମୁମ୍ବାଇ ପୋଲିସ ।
ଖବର ଅନୁଯାୟୀ, ଗିରଫ ଦୁଇ ଠକ ହେଲେ ଯାଜପୁରର ରାଜେନ୍ଦ୍ର ମଲ୍ଲିକ ଓ କନ୍ଧମାଳର ସଚିନ ଡିଗଲ । ଦୁଇ ଅଭିଯୁକ୍ତଙ୍କ ନାମରେ ମୁମ୍ବାଇ ଥାନେ ପୋଲିସ ଷ୍ଟେସନରେ ଅଭିଯୋଗ ରହିଛି। ମୁମ୍ବାଇ ପୋର୍ଟ ଟ୍ରଷ୍ଟ ନାମରେ ଏକ ଫେକ ୱେବସାଇଟ ଖୋଲି ଚାକିରୀ ଦେବା ନାଁରେ ଠକେଇ କରିଥିଲେ। ଏନେଇ ମୁମ୍ବାଇ ପୋଲିସ ନିକଟରେ ଅଭିଯୋଗ ହୋଇଥିଲା । ଆଉ ଏବେ ମୁମ୍ବାଇ ପୋଲିସ ଦୁଇ ଜଣଙ୍କୁ ଗିରଫ କରିଛି । ଗିରଫ ପରେ ଉଭୟଙ୍କ ଠାରୁ ୩୭ଟି ମୋବାଇଲ ଫୋନ, ୧୨ଟି ପାନ କାର୍ଡ, ୩୮ଟି ଏଟିଏମ କାର୍ଡ, ୨୫ଟି ସିମକାର୍ଡ, ଲାପଟପ ଜବତ । ଗିରଫ ପରେ ଦୁଇ ଅଭିଯୁକ୍ତକୁ ଟ୍ରାଞ୍ଜିଟ ରିମାଣ୍ଡରେ ନେଲା ମୁମ୍ବାଇ ପୋଲିସ ।
