ହିନ୍ଦୁ ଆଖଡ଼ାର ମୁଖ୍ୟ ମହାମଣ୍ଡଳେଶ୍ୱର କପିଳ ଦେବ ଦାସଙ୍କର କରୋନାରେ ମୃତୁ୍ୟ
ହିନ୍ଦୁ ଆଖଡ଼ାର ମୁଖ୍ୟ ମହାମଣ୍ଡଳେଶ୍ୱର କପିଳ ଦେବ ଦାସଙ୍କର କରୋନାରେ ମୃତୁ୍ୟ
admin
3064
ପ୍ରକୋପ, ୬୮ ସାଧୁ ସଂକ୍ରମିତ, ୧୦ଜଣ
ନୂଆଦିଲ୍ଲୀ: ମହା କୁମ୍ଭମେଳାରେ ଜଣେ ଶୀର୍ଷ ସାଧୁଙ୍କର କରୋନାରେ ମୃତୁ୍ୟ ହୋଇଯାଇଛି । ଚଳିତ ସପ୍ତାହରେ ହିନ୍ଦୁ ଆଖଡ଼ାର ମୁଖ୍ୟ ମହାମଣ୍ଡଳେଶ୍ୱର କପିଳ ଦେବ ଦାସ (୬୫) କରୋନା ସଂକ୍ରମିତ ହୋଇଥିଲେ ଏବଂ ତାଙ୍କର ମୃତୁ୍ୟ ହୋଇଛି । ଏପି୍ରଲ ୫ ରୁ ୧୪ ମଧ୍ୟରେ ମୋଟ ୬୮ ଜଣ ସାଧୁ କରୋନା ସଂକ୍ରମିତ ହୋଇଥିବା ବେଳେ ୧୦ ଜଣଙ୍କର କରୋନାରେ ମୃତୁ୍ୟ ହୋଇଛି । କପିଳ ଦେବ ଦାସ ଯେଉଁ ଶିବିରରେ ରହୁଥିଲେ ସେହି ଶିବିରରେ ଥିବା ୧୦ ହଜାରରୁ ଅଧିକ ସାଧୁ ଏବଂ ଅନୁଗାମୀଙ୍କ କରୋନା ଟେଷ୍ଟ କରାଯାଇଛି । କୁମ୍ଭମେଳା ଆସନ୍ତା ୩୦ ତାରିଖରେ ଶେଷ ହେବ । ଆସନ୍ତା ୨୭ ତାରିଖରେ ଶେଷ ସାହି ସ୍ନାନ ଅଛି । କିନ୍ତୁ ଏଥିରେ ମାତ୍ର ଅଳ୍ପ କିଛି ସାଧୁ ବୁଡ଼ ପକାଇବେ । ସଂକ୍ରମଣ ବଢ଼ିବାରୁ ଅନେକ ସାଧୁ ମେଳା ସ୍ଥଳ ଛାଡ଼ିଦେବାକୁ ପ୍ରସ୍ତୁତ ହେଲେଣି । ଜୁନା ଆଖଡ଼ା ପରେ ସବୁଠୁ ଶକ୍ତିଶାଳୀ ଏବଂ ସବୁଠୁ ବଡ଼ ନାଗା ସନ୍ନ୍ୟାସୀ ଆଖଡା ନିରଞ୍ଜନ ଆଖଡାର ସଚିବ ରବୀନ୍ଦ୍ର ପୁରୀ କହିଛନ୍ତି ହରିଦ୍ୱାର ଶିବିରରେ ଅଧିକାଂଶ ଅନୁଗାମୀମାନଙ୍କଠାରେ କରୋନା ଲକ୍ଷଣ ଦେଖାଦେଇଛି । ତେବେ ସମସ୍ତ କୁମ୍ଭ ତୀର୍ଥଯାତ୍ରୀଙ୍କ ପାଇଁ କୋଭିଡ ଟେଷ୍ଟ ବାଧ୍ୟତା ମୂଳକ କରାଯାଇଛି ।
