ଉର୍ବଶୀଙ୍କ ପ୍ରେମରେ କ୍ରିକେଟର ରିଷଭ ପନ୍ତ
ଉର୍ବଶୀଙ୍କ ପ୍ରେମରେ କ୍ରିକେଟର ରିଷଭ ପନ୍ତ
admin
4053
ବଲିଉଡ଼ ଅଭିନେତ୍ରୀଙ୍କ ସହିତ ଭାରତୀୟ କ୍ରିକେଟ ଖେଳାଳୀଙ୍କ ସମ୍ପର୍କ ରହିଥିବା ଗସିପ୍ ଶୁଣିବାକୁ ମିଳିଥାଏ । ଏପରିକି କେତେକ ଖେଳାଳି ବଲିଉଡ଼ ଅଭିନେତ୍ରୀଙ୍କୁ ବିବାହ ମଧ୍ୟ କରିଥିବା କଥା ଦର୍ଶକ ଜାଣିଛନ୍ତି । ନିକଟରେ ଆଉ ଜଣେ ଖେଳାଳୀ ଓ ଅଭିନେତ୍ରୀଙ୍କୁ ନେଇ ଖବର ଉଠିଛି । ସେମାନେ ହେଉଛନ୍ତି ଭାରତୀୟ କ୍ରିକେଟ ଟିମ୍ର ୱିକେଟ କିପର ରିଷଭ ପନ୍ତ ଏବଂ ଅଭିନେତ୍ରୀ ଉର୍ବଶୀ ରାଉତେଲା ମଧ୍ୟରେ ।
ଖବର ମିଳିଛି ରିଷଭ ସୁନ୍ଦରୀ ଉର୍ବଶୀଙ୍କୁ ୱାସ୍ ଆପରେ ବ୍ଲକ କରିଦେଇଛନ୍ତି । କାରଣ ଉର୍ବଶୀ ବାରମ୍ବାର ତାଙ୍କୁ କଲ ଏବଂ ମେସେଜ କରିବାକୁ ଚେଷ୍ଟା କରୁଥିଲେ । ପୂର୍ବରୁ ଏହି ଖେଳାଳୀଙ୍କୁ ଅଭିନେତ୍ରୀ ଡେଟ୍ କରୁଥିଲେ ବୋଲି ଖବର ପ୍ରଚାର ହୋଇଥିଲା । ହେଲେ ନ୍ୟୁ ୟରରେ ଖେଳାଳୀ ନିଜ ବାନ୍ଧବୀ ଇଷାଙ୍କ ସହିତ ଫଟୋ ଉଠାଇ ଇନଷ୍ଟାଗ୍ରାମରେ ସେୟାର କରିଥିଲେ ଏବଂ ଅଭିନେତ୍ରୀଙ୍କ ସହିତ ସମ୍ପର୍କ ଥିବା ଖବର ମିଛ ବୋଲି ସେ ପ୍ରମାଣିତ କରିଥିଲେ । ଅଭିନେତ୍ରୀ ଏହାକୁ ସହଜରେ ଗ୍ରହଣ କରିନଥିଲେ । ସେ ବାରମ୍ବାର ଖେଳାଳୀଙ୍କ ସହିତ ସମ୍ପର୍କ ରଖିବାକୁ ଚେଷ୍ଟା କରିଥିଲେ । ଫଳରେ ଖେଳାଳୀ ବିରକ୍ତ ହୋଇ ତାଙ୍କ ବ୍ଲକ କରିଥିଲେ । ବିଶେଷ କଥା ହେଲା ଏହି ଖବରକୁ ଅଭିନେତ୍ରୀଙ୍କ ପିଆର ନିଜେ ପ୍ରକାଶ କରିଛନ୍ତି । ଏହା ପରେ ସେ କଥାକୁ ସମତୁଲ କରି କହିଛନ୍ତି, ଖେଳାଳୀ ଏବଂ ଉର୍ବଶୀ ଦୁହେଁ ଦୁହିଁଙ୍କୁ ୱାସ୍ଆପ୍ରେ ବ୍ଲକ କରିଛନ୍ତି । ଏହା ପୂର୍ବରୁ ଉର୍ବଶୀଙ୍କ ନାମ କ୍ରିକେଟ ଖେଳାଳୀ ହାର୍ଦ୍ଦିକ ପାଣ୍ଡେଙ୍କ ସହିତ ଉଠିଥିଲା । ହେଲେ ସେ ନିକଟରେ ନିଜ ବାନ୍ଧବୀ ବଲିଉଡ଼ ଅଭିନେତ୍ରୀ ନତାସା ୟାଙ୍କୋଭିକ୍ଙ୍କ ସହିତ ନିର୍ବନ୍ଧ କରିଛନ୍ତି ।
