‘କରୋନା ଜେଲ’ ରେ ୩୭୦୦ ବନ୍ଦୀ,ଡାଏମଣ୍ଡ ପ୍ରିନ୍ସସେସ ଜାହାଜରେ ‘ଓହାନ’ ସ୍ଥିତି
‘କରୋନା ଜେଲ’ ରେ ୩୭୦୦ ବନ୍ଦୀ,ଡାଏମଣ୍ଡ ପ୍ରିନ୍ସସେସ ଜାହାଜରେ ‘ଓହାନ’ ସ୍ଥିତି
admin
6048
ଟୋକିଓ: ଜାପାନର ୟୋକୋହାମାସ୍ଥିତ ସମୁଦ୍ର ତଟରେ ନିର୍ବାସନରେ ଥିବା କ୍ରୁଜ ଜାହାଜ ‘ଡାଏମଣ୍ଡ ପ୍ରିନ୍ସସେସ’ରେ ଏବେ ସାଂଘାତିକ ସ୍ଥିତି । ଚୀନର ଓହାନ ସହରରେ କରୋନା ଭାଇରସକୁ ନେଇ ରହିଥିବା ପ୍ରାଣଘାତୀ ସ୍ଥିତିଠୁ ଏହା ବଳି ଯାଇଛି । ଜାହାଜ ମଧ୍ୟରେ ସୁସ୍ଥ ଥିବା ଯାତ୍ରୀମାନେ ଧୀରେ ଧୀରେ କରୋନା ଆଁକୁ ଚାଲିଯାଉଛନ୍ତି । ସେମାନେ ବଞ୍ଚିବା ପାଇଁ ଆର୍ତ୍ତ ଚିତ୍କାର କରୁଛନ୍ତି । ସୁସ୍ଥ ଥିବାରୁ ଛାଡ଼ିଦେବା ପାଇଁ କାକୁତିମିନତି କରୁଛନ୍ତି । କିନ୍ତୁ ସେମାନଙ୍କୁ ଯିବାକୁ ଆଉ ଦିଆଯାଉନାହିଁ । ଫଳରେ ସେମାନେ ମୃତ୍ୟୁକୁ ପାଖରୁ ଜଳଜଳ ଦେଖିବାଲେ ଲାଗିଛନ୍ତି । ଡାଏମଣ୍ଡ ପ୍ରିନ୍ସସେ ଏବେ କରୋନା ଭୂତାଣୁର ଏକ ଜେଲ ଏବଂ ସେମାନଙ୍କ ଶେଷ ଠିକଣା ବୋଲି ସେମାନେ ଭାବିବା ଆରମ୍ଭ କରିଦେଲେଣି ।
ଡାଏମଣ୍ଡ ପ୍ରିନ୍ସସେସ ଜାହାତରେ ଥିବା ଯାତ୍ରୀ ଓ କ୍ରିଉ ସଦସ୍ୟଙ୍କ ପରିବାର ସଦସ୍ୟଙ୍କ ମଧ୍ୟରେ ଭୟ ବଢ଼ିବାରେ ଲାଗିଛି । ସେମାନେ ନିଜ ଲୋକଙ୍କୁ ଆଉ ଫେରିପାଇବେ କି ନାହିଁ, ତାହାକୁ ନେଇ ସେମାନେ ଆଶଙ୍କିତ । କେହି କେହି ଜାପାନ ସରକାରଙ୍କୁ ଚିଠି ଲେଖି ପ୍ରାର୍ଥନା କରିଛନ୍ତି, ତ କିଏ ଜାହାଜ କର୍ତ୍ତୃପକ୍ଷଙ୍କ ନିକଟରେ ମୁଣ୍ଡ ବାଡ଼ଉଛନ୍ତି । କିନ୍ତୁ କେହି ସେମାନଙ୍କ ମନର ବେଦନା ଶୁଣିବାକୁ ନାରାଜ । ତା ଛଡ଼ା ସେମାନେ ବି ନିରୁପାୟ ।
