ସ୍ତ୍ରୀକୁ ଟାଙ୍ଗିଆରେ ହାଣି ହତ୍ୟା

Dec 9, 2019 - 07:22 Updated: Dec 9, 2019 - 07:22

2579

କେସିଙ୍ଗା / ଉକ୍ରେଲା : କଳାହାଣ୍ଡି ଜିଲ୍ଲା କେସିଙ୍ଗା ଥାନା କୁଣ୍ଡାବନ୍ଧ ଗ୍ରାମରେ ରବିବାର ଏକ ଅଭାବନୀୟ ଘଟଣା ଘଟିଛି । ଏହି ଗ୍ରାମର ମୋହନ ଦୀପ (୫୫) ନିଶାସକ୍ତ ଅବସ୍ଥାରେ ତାର ସ୍ତ୍ରୀ ମଇନା ଦୀପ (୫୫)ଙ୍କୁ ଟାଙ୍ଗିଆରେ ହାଣି ହତ୍ୟା କରିଛି । ପୁଲିସ ସୂତ୍ରରୁ ପ୍ରକାଶ ଯେ, ମୋହନ କିଛି କାମ କରୁନ ଥିଲା ବେଳେ ପ୍ରତିଦିନ ମଦ ପିଇ ନିଶାରେ ରହୁଥିଲା । ଏଥିସହ ସ୍ତ୍ରୀକୁ ହଇରାଣ କରିବା ସହ ମାରପିଟ୍ କରୁଥିଲା । ରବିବାର ପୂର୍ବାହ୍ନରେ ମାହନ ନିଶାସକ୍ତ ଅବସ୍ଥାରେ ଆସି ସ୍ତ୍ରୀ ମଇନା ସହ ଯୁକ୍ତିତର୍କ କରିଥିଲା । ଏହାପରେ ଏକ ଟାଙ୍ଗିଆରେ ଚୋଟ ପରେ ଚୋଟ ମାରିଥିଲା । ଘଟଣାସ୍ଥଳରେ ହିଁ ମଇନାଙ୍କର ମୃତୁ୍ୟ ହୋଇଯାଇଥିଲା । ଖବର ପାଇ କଳାହାଣ୍ଡି ଏସ୍ପି ବି. ଗଙ୍ଗାଧାର ଗୁର୍ଜିମୁଣ୍ଡା ସାଇଣ୍ଟିଫିକ ଟିମ୍ ସହ ଘଟଣାସ୍ଥଳରେ ପହଞ୍ଚିଥିଲେ । ପୁଲିସ ଘଟଣାର ତଦନ୍ତ କରିବା ପରେ ଅଭିଯୁକ୍ତ ମାହନକୁ ଗିରଫ କରି କୋର୍ଟ ଚାଲାଣ କରିଛି ।