ସାମାନାକୁ ଆସିଲା ହାଇଦର ଫେରାର୍ ପଛର କାହାଣୀ , ଜାଣନ୍ତୁ କଣ
ସାମାନାକୁ ଆସିଲା ହାଇଦର ଫେରାର୍ ପଛର କାହାଣୀ , ଜାଣନ୍ତୁ କଣ
admin
3975
ଭୁବନେଶ୍ୱର : ସମସ୍ତଙ୍କୁ ଚକମା ଦେଇ ଖସିଯାଇଛି ଦୁର୍ଦ୍ଧାନ୍ତ ଅପରାଧି ହାଇଦର । ଜେଲରୁ ଆସି ଏସସିବି ମେଡ଼ିକାଲରେ ହାଇଦର ଚିକିତ୍ସିତ ହେଉଥିବାବେଳେ ନାଟକୀୟ ଢଙ୍ଗରେ ଖସି ପଳାଇଛି । ଯାହାକି ପୁଲିସର ନିଦ ହଜାଇ ଦେଇଛି । ହାଇଦର କେମିତି ଫେରାର ହେଲା ସେନେଇ ଚର୍ଚ୍ଚା ପର୍ଯର୍୍ୟାଲୋଚନା ଚାଲିଥିବାବେଳେ ଡୁ୍ୟଟିରେ ଥିବା ପୁଲିସ କନଷ୍ଟେବଳ ଏନେଇ ମଙ୍ଗଳାବାଗ ଥାନାରେ ଏତଲା ଦେଇଛନ୍ତି ।
ହାଇଦର ଯେତେବେଳେ ଫେରାଦ ହୋଇଯାଇଥିଲା ସେତେବେଳେ ଡୁ୍ୟଟିରେ ଥିଲେ କନେଷ୍ଟବଳ ମହମ୍ମଦ ମୌସିମ । ସେଦିନର ଘଟଣା ସମ୍ପର୍କରେ ସୂଚନା ଦେଇ ମୌସିମ ଥାନାରେ ଅଭିଯୋଗ କରିଛନ୍ତି । ହାଇଦରର ପରିବାର ଲୋକେ ହିଁ ତାକୁ ଫେରାର କରିଥିବା ନେଇ ଏତଲାରେ ଉଲ୍ଲେଖ କରାଯାଇଛି । ସେ କହିଛନ୍ତିଯେ, ହାଇଦର ପାଖକୁ ପ୍ରତିଦିନ ତାର ସମ୍ପର୍କୀୟମାନେ ଆସିଥା’ନ୍ତି । ତା’ ପାଖକୁ ତାର ପୁଅ, ଭାଇ କାଳିଆ, ପୁତୁରା କାଲା ନିୟମିତ ଆସୁଥିଲେ । ତାର ଶଳା ଗୋରା ଓ ସାନ ଜ୍ୱାଇଁ ମଧ୍ୟ କ୍ୟାବିନକୁ ଆସି କଥା ହେଉଥିଲେ । ୧୦ ତାରିଖ ଅପରାହ୍ନ ସାଢେ଼ ୪ଟାରେ ସେ ତାକୁ ଜଗିଥିଲେ । ସେମାନେ ଆସି ତାଙ୍କ ଉପରକୁ ବିଷାକ୍ତ ପଦାର୍ଥ ଫିଙ୍ଗିଥିଲେ । ପ୍ରଭାବରେ ସେ ଅଚେତ ହେବା ପରେ ହାଇଦର କୁଆଡେ଼ ପଳାଇଥିଲା ବୋଲି ମହମ୍ମଦ ମୌସିମ ପ୍ରକାଶ କରିଛନ୍ତି ।
ଅପରପକ୍ଷରେ ହାଇଦରର ଜଣେ ସହଯୋଗୀ ସଲୁ ଆତ୍ମସମର୍ପଣ କରିଛି । ସେ ସେଦିନ ବିରିଆନୀ ନେଇ ହାଇଦରକୁ ଦେଇଥିଲେ । କିନ୍ତୁ ଫେରାର ହେବା ସମ୍ପର୍କରେ ସେ କିଛି ଜାଣିନଥିବା କହିଛି ।
