ସରକାରଙ୍କ ସହ ଅବଦୁଲ୍ଲାଙ୍କ ଡିଲ !

Jan 11, 2020 - 07:23 Updated: Jan 11, 2020 - 07:23

5295

ନୂଆଦିଲ୍ଲୀ - ଜାମ୍ମୁକାଶ୍ମୀର ବିଭାଜିତ ହେବା ପରଠାରୁ ନଜର ବନ୍ଦୀରେ ରହିଥିବା ପୂର୍ବତନ ମୁଖ୍ୟମନ୍ତ୍ରୀ ଫାରୁକ ଅବଦୁଲ୍ଲା ଓ ତାଙ୍କ ପୁଅ ଓମାର ଅବଦୁଲ୍ଲା ସରକାରଙ୍କ ସହ ଡିଲ କରିଥିବା ଜାତୀୟ ଗଣମାଧ୍ୟମରେ ଖବର ପ୍ରକାଶ ପାଇଛି । ସକ୍ରିୟ ରାଜନୀତିରୁ କିଛି ସମୟ ବିରତି ନେବାକୁ ଉଭୟ ପିତା ପୁତ୍ର ନିଷ୍ପତି ନେଇଛନ୍ତି । ଏଭଳି ସର୍ତରେ ହିଁ ସେମାନଙ୍କୁ ନଜରବନ୍ଦୀରୁ ହଟାଇ ନିଆଯିବ ବୋଲି ଜାଣିବାକୁ ମିଳିଛି । ଉଭୟ ବାପା ଓ ପୁଅ କିଛିଦିନ ପାଇଁ ବ୍ରିଟେନ ଯିବେ । ଫଳରେ ସେମାନେ ଜାମ୍ମୁକାଶ୍ମୀରର ସକ୍ରି୍ରୟ ରାଜନୀତିରୁ ବିରତି ନେବେ । ତେଣୁ ସେମାନଙ୍କ ଉପରୁ ଖୁବଶୀଘ୍ର ନଜରବନ୍ଦୀ ହଟାଇ ନିଆଯିବା ସହ ବ୍ରିଟେନ ଯିବାକୁ ସରକାର ଅନୁମତି ଦେବେ । ତେବେ ଅନ୍ୟ କେତେକ ରାଜନୈତିକ ବିଶେଷଜ୍ଞଙ୍କ ମତରେ ସେମାନେ ବ୍ରିଟେନ ଗଲେବି ସେଠାରୁ ରାଜନୀତିକୁ ନିୟନ୍ତ୍ରଣ କରିବେ । ଜାମ୍ମୁକାଶ୍ମୀରରେ ଥିବା ସେମାନଙ୍କ ନେତା ଓ କର୍ମୀଙ୍କ ଜରିଆରେ ହୁଏତ ଗୋଟିଚାଳନା କରିପାରନ୍ତି ବୋଲି କୁହାଯାଉଛି । ସୂଚନାଯୋଗ୍ୟଯେ, ଗତ ଅଗଷ୍ଟ ୫ରୁ ଉଭୟ ନେତାଙ୍କୁ ଅଟକ ରଖାଯାଇ ସେମାନଙ୍କ କାର୍ଯ୍ୟବିଧି ଉପରେ ନଜର ରଖାଯାଇଛି ।