ସମଶେରା’ରେ ବାଣୀଙ୍କ ନୂଆ ରୂପ
ସମଶେରା’ରେ ବାଣୀଙ୍କ ନୂଆ ରୂପ
admin
2369
ଏବେ ପର୍ଯ୍ୟନ୍ତ ଅଭିନେତ୍ରୀ ବାଣୀ କପୁରଙ୍କ ଅଧିକାଂଶ ବଲିଉଡ଼ କଳାକାର ନବାଗତା ବୋଲି କହୁଛନ୍ତି । ନିକଟରେ ବାଣୀ କହିଛନ୍ତି, ଇତି ମଧ୍ୟରେ ସିନେଜଗତରେ ସେ ୬ ବର୍ଷରୁ ଅଧିକ ସମୟ ଅତିବାହିତ କରିସାରିଲେଣି । ହେଲେ ତାଙ୍କ ସ୍ଥିତି ସୁଦୃଢ଼ ହୋଇପାରୁନାହିଁ । କିଛି ସପ୍ତାହ ତଳେ ମୁକ୍ତିଲାଭ କରିଥିବା ‘ୱାର’ ଚଳଚ୍ଚିତ୍ରକୁ ନେଇ ବାଣୀ ଖୁବ୍ ଆଶାବାଦୀ ଥିଲେ । ଚଳଚ୍ଚିତ୍ରରେ ତାଙ୍କ ଭୂମିକାକୁ କେହି ମଧ୍ୟ ପ୍ରଶଂସା କରିନାହାନ୍ତି । ଏଥିପାଇଁ ସେ ଅନ୍ୟକୁ ଦୋଷ ଦେଇନାହାନ୍ତି । ବରଂ କହିଛନ୍ତି ବୋଧହୁଏ ପ୍ରଶଂସକଙ୍କ ମନ ସେ ଏ ପର୍ଯ୍ୟନ୍ତ କିଣିପାରି ନାହାନ୍ତି । ଆଗାମୀ ଚଳଚ୍ଚିତ୍ର ‘ସମଶେରା’କୁ ନେଇ ବାଣୀ ଆଶା ରଖିଛନ୍ତି । କରନ୍ ମାଲହୋତ୍ରା ନିଦେ୍ର୍ଧଶିତ ଏଇ ବଡ଼ ବଜେଟ୍ରେ ଚଳଚ୍ଚିତ୍ରରେ ସେ ରଣବୀର କପୁରଙ୍କ ସହ ଅଭିନୟ କରୁଛନ୍ତି । ଡକାୟତ ଦଳର କାହାଣୀକୁ ଆଧାର କରି ନିର୍ମିତ ହୋଇଥିବା ‘ସମଶେରା’ ଚଳଚ୍ଚିତ୍ରରେ ବାଣୀଙ୍କ ଭୂମିକା ଦମଦାର ଥିବାର ପ୍ରକାଶ । ଦେଖାଯାଉ, ବାଣୀ ଏଥର ବାଜି ମାରିପାରୁଛନ୍ତି କି ନାହିଁ?
