ସଟଡାଉନ ଚେକିଂ ବେଳେ ହାବିଲଦାରଙ୍କୁ ମହଙ୍ଗା ପଡ଼ିଲା, କାହିଁକି ଏମିତି ହେଲା ଜାଣନ୍ତୁ
ସଟଡାଉନ ଚେକିଂ ବେଳେ ହାବିଲଦାରଙ୍କୁ ମହଙ୍ଗା ପଡ଼ିଲା, କାହିଁକି ଏମିତି ହେଲା ଜାଣନ୍ତୁ
admin
2684
ଭୁବନେଶ୍ୱର: କରୋନା ସଂକ୍ରମଣକୁ ଦୃଷ୍ଟିରେ ରଖି କ୍ୟାଟେଗୋରୀ ‘ବି’ ଅନ୍ତର୍ଗତ ଜିଲ୍ଲାରେ ସପ୍ତାହାନ୍ତ ସଟଡାଉନ ଜାରି ରହିଛି । ଏହି ସମୟରେ ଅମାନିଆଙ୍କୁ ଧରପଗଡ଼ ପାଇଁ ଚେକିଂକୁ ଗୁରୁତ୍ୱ ଦିଆଯାଉଛି । ତେବେ ଏହି ଚେକିଂ ଜଣେ ହାବିଲଦାରଙ୍କୁ ମହଙ୍ଗା ପଡ଼ିଛି । କାରଣ ଚେକିଂ ବେଳେ ଏକ ଅଟୋ ସମ୍ପୃକ୍ତ ହାବିଲଦାରଙ୍କୁ ଧକ୍କା ଦେଇଛି । ଏଥିରେ ସମ୍ପୃକ୍ତ ହାବିଲଦାର ଜଣକ ଗୁରୁତର ଆହତ ହୋଇଥିବାବେଳେ ତାଙ୍କୁ ଭୁବନେଶ୍ୱର ଏମସରେ ଭର୍ତ୍ତି କରାଯାଇଛି ।
ପ୍ରକାଶ ଯେ, ଆଜି ସପ୍ତାହାନ୍ତ ସଟଡାଉନ ପରିପ୍ରେକ୍ଷୀରେ ଭୁବନେଶ୍ୱର କଳ୍ପନା ଛକରେ ଚେକିଂ କରାଯାଉଥିଲା । ଏହି ସମୟରେ ଏକ ଅଟୋ ଦ୍ରୁତ ଗତିରେ ଆସି ସରୋଜ ପ୍ରଧାନ ନାମକ ଜଣେ ହାବିଲଦାରଙ୍କୁ ଧକ୍କା ଦେଇଥିଲା । ଏଥିରେ ସେ ଗୁରୁତର ଆହତ ହୋଇଥିବାବେଳେ ତାଙ୍କୁ ଭୁବନେଶ୍ୱର ଏମସରେ ଭର୍ତ୍ତି କରାଯାଇଛି । ଅନ୍ୟପକ୍ଷରେ ପୁଲିସ ସମ୍ପୃକ୍ତ ଅଟୋ ଚାଳକକୁ ଲକ୍ଷ୍ମୀସାଗର ଥାନାରେ ଅଟକ ରଖିଛି ।
