ଶୋକପ୍ରସ୍ତାବ ଆଗତ କଲେ ମୁଖ୍ୟମନ୍ତ୍ରୀ
ଶୋକପ୍ରସ୍ତାବ ଆଗତ କଲେ ମୁଖ୍ୟମନ୍ତ୍ରୀ
admin
4344
ଭୁବନେଶ୍ୱର: ମଙ୍ଗଳବାର ବିଧାନସଭାର ମୌସୁମୀ ଅଧିବେଶନ ଆରମ୍ଭ ହୋଇଛି । କରଣା କଟକଣା ମଧ୍ୟ ଅଧିବେଶନ ଆରମ୍ଭ ହୋଇଛି । ନବୀନ ନିବାସରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟ ଭିଡିଓ କନଫରେନ୍ସିଂ ମାଧ୍ୟମରେ ଯୋଗଦେଇଥିବାବେଳେ ଲୋକସେବା ଭବନରେ ମାତ୍ର ୬ ଜଣ ବିଧାୟକ ଉପସ୍ଥିତ ଅଛନ୍ତି । ଅଧିବେଶନ ଆରମ୍ଭରୁ ଦିବଙ୍ଗତ ନେତା, କୋଭିଡ ଯୋଦ୍ଧା ଓ ଦେଶ ପାଇଁ ସହିଦ ହୋଇଥିବା ସେନା ଅଧିକାରୀଙ୍କ ଉଦ୍ଦେଶ୍ୟରେ ଭିସିରେ ଶୋକ ପ୍ରକାଶ ଆଗତ କଲେ ମୁଖ୍ୟମନ୍ତ୍ରୀ । ପ୍ରଥମ ଥର ପାଇଁ ନବୀନ ନିବାସରୁ ଭିଡ଼ିଓ କନଫରେନ୍ସିଂ ଜରିଆରେ ବିଧାନସଭା ଅଧିବେଶନରେ ସାମିଲ ହୋଇଛନ୍ତି ନବୀନ । ସେହିଭଳି ଅନ୍ୟ କିଛି ବରିଷ୍ଠ ବିଧାୟକ ଲୋକସେବା ଭବନରୁ ଭିଡ଼ିଓ କନଫରେନ୍ସିଂରେ ଉପସ୍ଥିତ ଅଛନ୍ତି।
ସେହିଭଳି ବିରୋଧୀ ଦଳ ନେତା ପ୍ରଦୀପ୍ତ ନାଏକ ବିଧାନସଭାରେ ଉପସ୍ଥିତ ଥିବା ବେଳେ କଂଗ୍ରେସ ବିଧାୟକ ମଧ୍ୟ ଚଳିତ ଅଧିବେଶନରେ ସାମିଲ ହୋଇଛନ୍ତି । କୋଭିଡ ପାଇଁ ଗୃହ ଭିତରେ ସାମାଜିକ ଦୂରତାକୁ ଗୁରୁତ୍ୱ ଦିଆଯାଇଥିବା ବେଳେ ପ୍ରତ୍ୟେକ ସଦସ୍ୟଙ୍କ ଆସନ ଆଗରେ କାଚ ସିଲ୍ଡ ଲଗାଯାଇଛି । ଏହାବାଦ୍ ଦର୍ଶକ ଗ୍ୟାଲେରୀ ଓ ବାଚସ୍ପତି ଗ୍ୟାଲେରୀରେ ବିଧାୟକଙ୍କ ବସିବା ପାଇଁ ବ୍ୟବସ୍ଥା କରାଯାଇଛି । କରୋନା ପାଇଁ ସମସ୍ତ ବିଧାୟକ, ମନ୍ତ୍ରୀ ଓ ବାଚସ୍ପତି ମାସ୍କ ସହ ଗ୍ଲୋବସ ବ୍ୟବହାର କରିଛନ୍ତି । ଚଳିତ ଅଧିବେଶନରେ ପ୍ରଶ୍ନକାଳକୁ ବାତିଲ କରାଯାଇଥିବା ବେଳେ ଭିସି ମାଧ୍ୟମରେ ବିଧାନସଭା ଅଧିବେଶନରେ ସାମିଲ ହେବାକୁ ମଧ୍ୟ ବ୍ୟବସ୍ଥା କରାଯାଇଛି ।
ପ୍ରକାଶ ଯେ, ଆରମ୍ଭରୁ ଆତଙ୍କ । କରୋନା ଡର ମଧ୍ୟରେ ବିଧାନସଭାର ମୌସୁମୀ ଅଧିବେଶନ ଆରମ୍ଭ ହୋଇଛି । ଏମିତି ଆଶା ଆଶଙ୍କାର ବାତାବରଣ ଭିତରେ ବିଧାନସଭା ଆସନ୍ତା ୭ ତାରିଖ ଯାଏଁ ଚାଲିବ । କୋଭିଡ କଟକଣା ଭିତରେ ବିଧାନସଭା ଅଧିବେଶନ ପାଇଁ ଏଥର ବ୍ୟାପକ ବ୍ୟବସ୍ଥା ହୋଇଛି । ସାମାଜିକ ଦୂରତା ରକ୍ଷା ପାଇଁ ସଭ୍ୟମାନଙ୍କ ଆସନ ବଦଳିଛି । କାଚ ବ୍ୟାରିକେଡ ଲାଗିଛି । ବିଧାନସଭାର କୋଣ ଅନୁକୋଣ ଘନ ଘନ ସାନିଟାଇଜ କରାଯାଇଛି ।
