ଲଢେ଼ଇ ପାଇଁ ପ୍ରସ୍ତୁତ ହେଉଥିବା ଗୋଟିଏ ଗଞ୍ଜା ନିଜ ମାଲିକକୁ ହତ୍ୟା କରିଛି : ଥାନାରେ ଅଟକ ରଖିଛି ପୁଲିସ

Mar 4, 2021 - 05:32 Updated: Mar 4, 2021 - 05:32

2412

ଲଢେ଼ଇ ପାଇଁ ପ୍ରସ୍ତୁତ ହେଉଥିବା ଗୋଟିଏ ଗଞ୍ଜା ନିଜ ମାଲିକକୁ ହତ୍ୟା କରିଛି : ଥାନାରେ ଅଟକ ରଖିଛି ପୁଲିସ

ମାଲକାନଗିରି: ମାଲକାନଗିରି ଜିଲ୍ଲା ସୀମାନ୍ତ ତେଲେଙ୍ଗାନାରେ ଦୁଃଖଦ ତଥା ଚକିତ କଲା ଭଳି ଘଟଣା ଘଟିଛି । ଲଢେ଼ଇ ପାଇଁ ପ୍ରସ୍ତୁତ ହେଉଥିବା ଗୋଟିଏ ଗଞ୍ଜା ନିଜ ମାଲିକକୁ ହତ୍ୟା କରିଛି । ଏହି ଘଟଣାରେ ପୁଲିସ ଗୋଟିଏ ମାମଲା ରୁଜୁ କରିବା ସହ ଗଞ୍ଜାକୁ ଅଟକ ରଖିଛି । ସୂଚନା ଅନୁସାରେ, ଗତ ମାସ ୨୨ ତାରିଖ ଦିନ ତେଲେଙ୍ଗାନା ରାଜ୍ୟର ଜଗତିୟାଲ ଜିଲ୍ଲା ଅନ୍ତର୍ଗତ ଲୁଥିନୁର ଗାଁରେ ଏଭଳି କୁକୁଡା ଲଢେ଼ଇର ଆୟୋଜନ ହୋଇଥିଲା । ମନୋରଞ୍ଜନ ପାଇଁ ହେଉଥିବା ଏହି ଲଢେ଼ଇ ହଜାର ହଜାର ଟଙ୍କା ବାଜି ବି ଲାଗିଥିଲା । ନିଜ ଗଞ୍ଜାଗୋଡ଼ରେ ଧାରୁଆ ଛୁରି ବାନ୍ଧି ପୂର୍ବ ପ୍ରସ୍ତୁତି କରୁଥିଲେ ମାଲିକ ସତୀଶ । କିନ୍ତୁ କୁକୁଡା ଏତେ ମାତ୍ରାରେ ଉଗ୍ର ହୋଇଯାଇଥିଲା ଯେ ଭୂଇଁରେ କିଛି ଫୁଟ ଉପରକୁ ଡେଇଁବା ଆରମ୍ଭ କରିଥିଲା । ବାରମ୍ବାର ଏମିତି ଡେଇଁବା ମଧ୍ୟରେ ମାଲିକ ସତୀଶଙ୍କ ନିକଟକୁ ଚାଲି ଆସି ଅତର୍କିତ ଆକ୍ରମଣ କରିଥିଲା । ସାମାନ୍ୟ ଅନ୍ୟମନସ୍କ ରହିଥିବା ସତୀଶ ବର୍ତ୍ତିବାକୁ ଚେଷ୍ଟା କରିଥିଲେ ବି ଅଣ୍ଟାରେ ଛୁରି ପଶି ଯାଇଥିଲା । ଡାକ୍ତରଖାନାରେ ତାଙ୍କର ମୃତୁ୍ୟ ହୋଇଯାଇଥିଲା ।