ଝାଡ଼ଖଣ୍ଡରେ ବର୍ବର କାଣ୍ଡ, ‘ଡାହାଣୀ’ ସନେ୍ଦହରେ ୫ ଜଣଙ୍କୁ ହତ୍ୟା

Mar 4, 2021 - 05:24 Updated: Mar 4, 2021 - 05:24

4257

ଝାଡ଼ଖଣ୍ଡରେ ବର୍ବର କାଣ୍ଡ, ‘ଡାହାଣୀ’ ସନେ୍ଦହରେ ୫ ଜଣଙ୍କୁ ହତ୍ୟା

ରାଞ୍ଚି: ଝାଡ଼ଖଣ୍ଡରେ ଡାହାଣୀ ସନେ୍ଦହରେ ୫ ବର୍ଷର ଶିଶୁ ସମେତ ଗୋଟିଏ ପରିବାରର ୫ ଜଣଙ୍କୁ ହତ୍ୟା ଘଟଣା ଆଲୋଡ଼ନ ସୃଷ୍ଟି କରିଛି । ଆମତୋଲି ପାହାର ଗ୍ରାମରେ ଏହି ଅଭାବନୀୟ ଘଟଣା ଘଟିଛି । ଫେବୃୟାରୀ ୨୩ ତାରିଖ ଦିନ ସକାଳେ ବୁରୁହାତୁ ଅଞ୍ଚଳର ଏହି ଗ୍ରାମରେ ହୋଇଥିବା ଗ୍ରାମସଭାରେ ‘ଡାହାଣୀ’ ପ୍ରଭାବ ସନେ୍ଦହରେ ୧୦୦ ଜଣଙ୍କୁ ହାଜର କରାଯାଇଥିଲା । ଗାଁ ପୁରୋହିତ ଗାଁର କିଛି ଲୋକ ଡାହାଣୀ ସଂସ୍ପର୍ଶରେ ଆସୁଥିବା କହିଥିଲେ ଏବଂ ସେମାନଙ୍କ ନାଁ ମଧ୍ୟ ଏହି ଗ୍ରାମସଭାରେ ଦେଇଥିଲେ । ଏହାର ପରଦିନ ସକାଳେ ୫ ଜଣଙ୍କୁ ମୃତଦେହ ଉଦ୍ଧାର ହୋଇଥିଲା । ୫୫ ବର୍ଷୀୟା ଜୋସଫିନା ତପନୋଙ୍କ ରକ୍ତ ଜୁଡୁବୁଡ଼ୁ ମର ଶରୀର ତାଙ୍କ ଘର ବାହାରୁ ମିଳିଥିବା ବେଳେ ତାଙ୍କ ସ୍ୱାମୀ ନିକୋଦିମ (୬୦), ପୁଅ ଭିନସେଣ୍ଟ (୩୫), ବୋହୁ ସିଲଭନ୍ତୀ (୩୦) ଏବଂ ନାତି ଅଲବିନ (୫)ର ମୃତଦେହ ଘରୁ ବାହାରିଥିଲା । ପରିବାରର ସମସ୍ତ ସଦସ୍ୟଙ୍କୁ ଗ୍ରାମସଭାରେ ପ୍ରାୟ ୧୦ ଘଣ୍ଟା ପରେ କୁରାଢ଼ିରେ ହାଣି ହତ୍ୟା କରାଯାଇଛି ।