ରାଜ୍ୟରେ ଆଉ ୧୧ ମୁଣ୍ଡ ନେଲା କରୋନା : ମୃତ୍ୟୁ ସଂଖ୍ୟା ୭୨୧
ରାଜ୍ୟରେ ଆଉ ୧୧ ମୁଣ୍ଡ ନେଲା କରୋନା : ମୃତ୍ୟୁ ସଂଖ୍ୟା ୭୨୧
admin
2892
ଭୁବନେଶ୍ୱର : ରାଜ୍ୟରେ ଆଜି ଆଉ ୧୧ ମୁଣ୍ଡ ନେଇଛି କରୋନା । ଏହା ସହିତ ରାଜ୍ୟରେ କରୋନା ମୃତ୍ୟୁ ସଂ୍ୟା ୭୨୧ରେ ପହଞ୍ଚିଛି । ମାଲକାନଗିରି, ଗଞ୍ଜାମ, ବଲାଙ୍ଗୀର ଓ ବାଲେଶ୍ୱରରୁ ୨ ଜଣ ଲେଖାଏଁ ଆକ୍ରାନ୍ତ ପ୍ରାଣ ହରାଇଥିବା ବେଳେ ଭଦ୍ରକ, ଭୁବନେଶ୍ୱର ଏବଂ ପୁରୀରୁ ଜଣେ ଲେଖାଏଁ ଆକ୍ରାନ୍ତ ପ୍ରାଣ ହରାଇଛନ୍ତି । ବାଲେଶ୍ୱର ମୃତକଙ୍କ ମଧ୍ୟରେ ଜଣେ ୬୫ ବର୍ଷୀୟ ପୁରୁଷ ଏବଂ ୫୦ ବର୍ଷୀୟ ମହିଳା ରହିଛନ୍ତି । ଭଦ୍ରକର ମୃତକ ଜଣକ ୬୮ ବର୍ଷୀୟ ପୁରୁଷ ବୋଲି ଜଣାପଡିଛି । ଭୁବନେଶ୍ୱରରୁ ଜଣେ ୯୦ ବର୍ଷୀୟ ପୁରଷ ଏବଂ ପୁରୀରୁ ଜଣେ ୫୧ ବର୍ଷୀୟ ପୁରୁଷ ମଧ୍ୟ ପ୍ରାଣ ହରାଇଛନ୍ତି ।
ବଲାଙ୍ଗୀରର ଦୁଇ ମୃତକଙ୍କ ମଧ୍ୟରେ ଜଣେ ୪୨ ବର୍ଷୀୟ ମହିଳା ଏବଂ ୬୦ ବର୍ଷୀୟ ପୁରୁଷ ରହିଛନ୍ତି । ଗଞ୍ଜାମର ଦୁଇ ମୃତକ ପୁରୁଷ ହୋଇଥିବା ବେଳେ ଉଭୟଙ୍କ ବୟସ ଯଥାକ୍ରମେ ୭୦ ଏବଂ ୭୭ ବୋଲି ଜଣାପଡିଛି । ସେହିପରି ମାଲକାନଗିରରିର ଦୁଇ ମୃତକ ମଧ୍ୟ ପୁରୁଷ ଏବଂ ଉଭୟଙ୍କ ବୟସ ଯଥାକ୍ରମେ ୪୦ ଏବଂ ୫୧ ବୋଲି ଜଣାପଡିଛି ।
