ରାଜଧାନୀରେ ହେବ ଭିକାରୀ ଶୂନ : ବିଏମସି କରିବ ୩ଟି ଥଇଥାନ କେନ୍ଦ୍ର

Jan 22, 2021 - 05:15 Updated: Jan 22, 2021 - 05:15

5453

ରାଜଧାନୀରେ ହେବ ଭିକାରୀ ଶୂନ : ବିଏମସି କରିବ ୩ଟି ଥଇଥାନ କେନ୍ଦ୍ର

ଭୁବନେଶ୍ୱର : ରାଜଧାନୀର ପ୍ରତି ଛକରେ ମାଳମାଳ ଭିକାରୀ । ରାଜ୍ୟର ଓ ରାଜ୍ୟ ବାହାରର ଭିକାରୀମାନେ ଟ୍ରାଫିକ ଛକମାନଙ୍କରେ ଭିକ ମାଗୁଥିବା ଦେଖିବାକୁ ମିଳୁଛି । ତେବେ ଭିକାରୀମାନଙ୍କୁ ଥଇଥାନ କରିବା ପାଇଁ ବିଏମସି ପକ୍ଷରୁ ପଦକ୍ଷେପ ଗ୍ରହଣ କରାଯାଇଛି । ଏଥିପାଇଁ ୩ଟି ଭିକାରୀ ଥଇଥାନ କେନ୍ଦ୍ର କରାଯିବ । ମିଳିଥିବା ସୂଚନାନୁଯାୟୀ, ପ୍ରଥମ ପର୍ଯ୍ୟାୟରେ ୩ ଶହ ଭିକାରୀଙ୍କୁ ଥଇଥାନ କରାଯିବ । ତିନୋଟି ଜୋନରେ ତିନୋଟି ଥଇଥାନ କେନ୍ଦ୍ର ହେବ । ପ୍ରତି କେନ୍ଦ୍ରରେ ଶହେ ଜଣ ଭିକାରୀ ରହିବେ । ଖୁବଶୀଘ୍ର ବିଏମସି ପକ୍ଷରୁ ଭିକାରୀ ଚିହ୍ନଟ ପ୍ରକ୍ରିୟା ଆରମ୍ଭ କରାଯିବ । ସେହିପରି ଭିକାରୀମାନଙ୍କୁ ଆତ୍ମନିର୍ଭରଶୀଳ କରିବାକୁ ବି ଯୋଜନା କରାଯାଇଛି । ଏଥିପାଇଁ ଏକ ପେଶାଦାର ସଂସ୍ଥାକୁ ଦାୟିତ୍ୱ ଦିଆଯିବ । ଏତଦବ୍ୟତୀତ ପ୍ରତ୍ୟେକ ଥଇଥାନ କେନ୍ଦ୍ରରେ ବୟୋଜ୍ୟେଷ୍ଠ, ମହିଳା ଓ ଶିଶୁ ଭଳି ବର୍ଗ ରହିବ ।