ରାଜଧାନୀରେ ଯୁବତୀଙ୍କୁ ଗୁଳିମାଡ଼, ଟେଡି ଡେ ରେ ଟେଡି ବଦଳରେ ମିଳିଲା ଗୁଳି ।
ରାଜଧାନୀରେ ଯୁବତୀଙ୍କୁ ଗୁଳିମାଡ଼, ଟେଡି ଡେ ରେ ଟେଡି ବଦଳରେ ମିଳିଲା ଗୁଳି ।
admin
4953
ଭାଲେଂଟାଇନ୍ ୱିକ୍ ର ଟେଡି ଡେ ରେ ଟେଡି ବଦଳରେ ମିଳିଲା ଗୁଳି । ପାଖରେ ଥିଲେ ବୟଫ୍ରେଣ୍ଡ । ଦିନଦ୍ବିପ୍ରହରରେ ରାଜଧାନୀରେ ଜଣେ ଯୁବତୀଙ୍କୁ ଗୁଳିମାଡ ହୋଇଥିବା ଜଣାପଡ଼ିଛି । ସ୍ଥାନୀୟ ଇନଫୋସିଟି ଥାନା ଅଞ୍ଚଳରେ ଦୁଇ ଜଣ ଦୁର୍ବୃତ୍ତ ଉକ୍ତ ଯୁବତୀଙ୍କୁ ଗୁଳିମାଡ କରି ଘଟଣାସ୍ଥଳରୁ ଫେରାର ହୋଇ ଯାଇଥିବା ସୂଚନା ମିଳିଛି । ଏହାପରେ ଗୁରୁତର ଆହତ ଅବସ୍ଥାରେ ଯୁବତୀଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି।
ମିଳିଥିବା ସୂଚନା ଅନୁସାରେ ଯୁବତୀ ଜଣକ ଏକ ଘରୋଇ ଇଂଜିନିୟରିଂ କଲେଜର ଫାସନ୍ ଡିଜାଇନିଂ ଛାତ୍ରୀ ଏବଂ ଘଟଣା ସମୟରେ ତାଙ୍କର ପୁରୁଷ ବନ୍ଧୁ ଉପସ୍ଥିତ ଥିଲେ। ତେବେ କାହିଁକି ଗୁଳିମାଡ଼ ହୋଇଛି ସେ ସଂପର୍କରେ କୌଣସି ସୂଚନା ହସ୍ତଗତ ହୋଇନାହିଁ।
ଖବର ପାଇ ଘଟଣାସ୍ଥଳରେ ପହଞ୍ଚି ପୁଲିସ୍ ଛାନଭିନ୍ ଆରମ୍ଭ କରିଛି। ପ୍ରାଥମିକ ତଦନ୍ତ ଅନୁସାରେ ଗୁଳିମାଡର ଶିକାର ହୋଇଥିବା ଯୁବତୀଙ୍କ ନାମ ସୋନାଲି ଓ ତାଙ୍କ ଘର ବାଲେଶ୍ବର ଅଂଚଳରେ। ତାଙ୍କର ଜଙ୍ଘରେ ଦୁଇଟି ଗୁଳି ବାଜିଥିବା ଜଣାପଡ଼ିଛି। ପୁଲିସ ସୂତ୍ର ଅନୁସାରେ, ଯୁବତୀଙ୍କୁ ଗୁଳିମାଡ଼ କରିଥିବା ଦୁର୍ବୃତ୍ତଙ୍କ ମଧ୍ୟରୁ ଜଣେ ତାଙ୍କର ପୂର୍ବ ପରିଚିତ। ତେବେ ଏଭଳି ଆକ୍ରମଣର କାରଣ ସ୍ପଷ୍ଟ ହୋଇନାହିଁ। ବ୍ୟକ୍ତଗତ ଶତ୍ରୁତା ଯୋଗୁଁ ଏପରି ଘଟିଥାଇପାରେ ବୋଲି ସନ୍ଦେହ କରାଯାଉଛି।
