ମୋଦି ସହ ଟକ୍କର ଦେବେ କଂଗ୍ରେସର ଅଜୟ ରାୟ
ମୋଦି ସହ ଟକ୍କର ଦେବେ କଂଗ୍ରେସର ଅଜୟ ରାୟ
admin
4274
ନୂଆଦିଲ୍ଲୀ: ଉତ୍ତରପ୍ରଦେଶର ବାରାଣସୀରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବିରୋଧରେ କଂଗ୍ରେସ ନେତା ଅଜୟ ରାୟଙ୍କୁ ପ୍ରାର୍ଥୀ କରିଛି । ଫଳରେ ପ୍ରିୟଙ୍କା ଗାନ୍ଧୀ ଭଦ୍ରାଙ୍କୁ କଂଗ୍ରେସ ପ୍ରାର୍ଥୀ କରିବ ବୋଲି ହେଉଥିବା ଆଲୋଚନାର ଅନ୍ତ ଘଟିଛି । ଅଜୟ ରାୟ ୨୦୧୪ ନିର୍ବାଚନରେ ମଧ୍ୟ ମୋଦୀଙ୍କ ପ୍ରତିଦ୍ୱନ୍ଦ୍ୱୀ ଥିଲେ । ମୋଦି ୫.୮ ଲକ୍ଷ ଭୋଟ ସହିତ ବିଜୟ ଲାଭ କରିଥିବାବେଳେ ଅଜୟ ରାୟଙ୍କୁ ମାତ୍ର ୭୫ ହଜାର ଭୋଟ ମିଳିଥିଲା ।
ଉତ୍ତରପ୍ରଦେଶର ବାରାଣସୀ ଲୋକସଭା ଆସନରେ ମୋଦି ବନାମ ପ୍ରିୟଙ୍କା ଗାନ୍ଧୀ ମଧ୍ୟରେ ଟକ୍କର ହେବା ନେଇ ହେଉଥିବା ଚର୍ଚ୍ଚା ଉପରେ ଶେଷରେ ପୂର୍ଣ୍ଣଚ୍ଛେଦ ପଡ଼ିଛି । ବାରାଣସୀରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବିଜେପିର ପ୍ରାର୍ଥୀ ହୋଇଛନ୍ତି । ମୋଦିଙ୍କୁ ଟକ୍କର ଦେବା ଲାଗି କଂଗ୍ରେସ ଦଳର ମହାସଚିବ ପ୍ରିୟଙ୍କା ଗାନ୍ଧୀ ଭଦ୍ରା ବାରାଣସୀ ନିର୍ବାଚନ ମଇଦାନକୁ ଓହ୍ଲାଇବେ ବୋଲି କିଛି ଦିନ ଧରି ଚର୍ଚ୍ଚା ଜୋର ଧରିଥିଲା । କିନ୍ତୁ କଂଗ୍ରେସ ଏହି ଅସନରେ ଅଜୟ ରାଏଙ୍କୁ ପ୍ରାର୍ଥୀ କରିବା ପରେ ଚର୍ଚ୍ଚାରେ ଅବସାନ ଘଟିଛି ।
ପ୍ରକାଶ ଯେ, କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀଙ୍କୁ ଉତ୍ତରପ୍ରଦେଶର ପ୍ରଭାରୀଭାବେ ନିଯୁକ୍ତ କରାଯାଇଛି । ରାଜ୍ୟରେ କଂଗ୍ରେସକୁ କ୍ଷମତାକୁ ଆଣିବାକୁ ପ୍ରିୟଙ୍କା ତୃଣମୂଳ ସ୍ତରରେ ଉଦ୍ୟମ ଜାରି ରଖିଛନ୍ତି । ଦଳର କାର୍ଯ୍ୟକର୍ତ୍ତାମାନେ ତାଙ୍କୁ ଚଳିତ ଲୋକସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରବାକୁ ପରାମର୍ଶ ଦେବା ପରେ ସେ ବାରାଣସୀରୁ ନିର୍ବାଚନ ଲଢିବାକୁ ଚାହୁଁଥିବା ଇସାରା ଦେଇଥିଲେ । ତେବେ ସେ ଏହି ନିଷ୍ପତ୍ତି ଭାଇ ତଥା ଦଳର ଅଧ୍ୟକ୍ଷ ରାହୁଲ ଗାନ୍ଧୀଙ୍କ ଉପରେ ଛାଡ଼ି ଦେଇଥିଲେ ।
