ମେଗା ଧାରାବାହିକରେ ସିଦ୍ଧାନ୍ତ ମହାପାତ୍ର

Dec 19, 2020 - 12:56 Updated: Dec 19, 2020 - 12:56

1984

ଭୁବନେଶ୍ୱର: ମେଗା ଧାରାବାହିକରେ ଅଭିନୟ କରୁଛନ୍ତି ସିଦ୍ଧାନ୍ତ ମହାପାତ୍ର । ଏକଦା ଚୋରାବାଲି ଧାରାବାହିକରେ ଅଭିନୟ କରି ମନ ଜିଣିଥିବା ସିଦ୍ଧାନ୍ତଙ୍କୁ ଢେ଼ର ବର୍ଷ ପରେ ଜୀ ସାର୍ଥକ ଓ ଅକ୍ଷୟ ପରିଜା ପ୍ରଡକ୍ସନ ପକ୍ଷରୁ ଜୀ ସାର୍ଥକରେ ପ୍ରସାରିତ ହେବାକୁ ଥିବା ଧାରାବାହିକ ‘କେମିତି କହିବି କହ’ ରେ ପ୍ରମୁଖ ଭୂମିକାରେ ଦେଖିବାକୁ ମିଳିବ । ତାଙ୍କ ବିପକ୍ଷରେ ନାୟିକା ସାଜିଛନ୍ତି ଅଭିନେତ୍ରୀ ସୁପି୍ରୟା । ଏହା ବ୍ୟତୀତ ଓଡ଼ିଆ ଚଳଚ୍ଚିତ୍ର ଜଗତର ଆଉ କିଛି ତାରକାଙ୍କୁ ମଧ୍ୟ ଏହି ଧାରାବାହିକରେ ଦେଖିବାକୁ ମିଳିବ । ପ୍ରଥମ କରି ଏହି ଧାରାବାହିକରେ ଏକ ହେଲିକେପ୍ଟରର ବ୍ୟବହାର କରାଯାଇଛି । ଓଡ଼ିଆ ସିନେମାର ଜଣାଶୁଣା ନିଦେ୍ର୍ଧଶକ ସୁଶାନ୍ତ ମଣି ଏହି ଧାରାବାହିକର ନିଦେ୍ର୍ଧଶନା ଦେଉଛନ୍ତି । ସଙ୍ଗୀତ ନିଦେ୍ର୍ଧଶନା ଦେଉଛନ୍ତି ଗୁଡ଼ଲି ରଥ । କ୍ୟାମେରା ପରିଚାଳନା କରୁଛନ୍ତି ସୀତାଂଶୁ ମହାପାତ୍ର । ସିଦ୍ଧାନ୍ତ କହିଛନ୍ତି ସିନେମା ହେଉ କି ଧାରାବାହିକ, ସବୁବେଳେ ପରୀକ୍ଷା ନିରୀକ୍ଷା ଜାରି ରଖିବା ଉଚିତ । ଦର୍ଶକଙ୍କୁ ଆକୃଷ୍ଟ କରିବା ଓ ବ୍ୟବସାୟିକ ସଫଳତା ଲାଗି ଏହା ନିତାନ୍ତ ଜରୁରୀ । ଦର୍ଶକ ତାଙ୍କୁ ଚଳଚ୍ଚିତ୍ରରେ ଯେପରି ପସନ୍ଦ କରିଛନ୍ତି, ଧାରାବାହିକରେ ମଧ୍ୟ ସେ ଭଲ ପାଇବା ଦେବେ ବୋଲି ଆଶା କରିଛନ୍ତି ।