ମୁଣ୍ଡ ପିଛା ଖର୍ଚ୍ଚ ୯୦ ଲକ୍ଷ ଖର୍ଚ୍ଚ କରି ବିଦେଶରୁ ଘରୋଇ ଜେଟରେ ଆସିଲେ ଏହି ପିଲା
ମୁଣ୍ଡ ପିଛା ଖର୍ଚ୍ଚ ୯୦ ଲକ୍ଷ ଖର୍ଚ୍ଚ କରି ବିଦେଶରୁ ଘରୋଇ ଜେଟରେ ଆସିଲେ ଏହି ପିଲା
admin
6485
ନୂଆଦିଲ୍ଲୀ: କରୋନା ମହାମାରୀ ପାଇଁ ବିଶ୍ୱର ବିଭିନ୍ନ ଦେଶରେ ବାଣିଜ୍ୟିକ ବିମାନ ଉଡ଼ାଣ ବନ୍ଦ ହୋଇଯିବା ପରେ ବିଦେଶରେ ପାଠ ପଢ଼ୁଥିବା ଧନୀ ଭାରତୀୟଙ୍କ ପିଲାମାନେ ସେଠାରେ ଫସି ରହିଯାଇଥିଲେ । ଧନୀ ବାପାମାଆମାନେ ବିଦେଶରୁ ସେମାନଙ୍କ ପିଲାଙ୍କୁ ଆଣିବା ଲାଗି ଘରୋଇ ଜେଟର ସହାୟତା ନେଇଥିଲେ । ବିପୁଳ ଅର୍ଥ ଖର୍ଚ୍ଚ କରି ସେମାନଙ୍କ ପିଲାମାନଙ୍କୁ ଭାରତ ଫେରାଇ ଆଣିଥିବା ଭଳି ଖବର ସାମ୍ନାକୁ ଆସିଛି । ଧନୀ ଭାରତୀୟମାନେ ସେମାନଙ୍କ ପିଲାଙ୍କୁ ଆଣିବା ପାଇଁ ମୁଣ୍ଡପିଛା ପାଖାପାଖି ୯୦ ଲକ୍ଷ ଟଙ୍କା ଖର୍ଚ୍ଚ କରିଛନ୍ତି । ମାର୍ଚ୍ଚ ୮ ତାରିଖରୁ ୨୧ ତରାରିଖ ମଧ୍ୟରେ ଅଧିକାଂଶ ଘରୋଇ ଜେଟ ଭାରତୀୟ ଧନୀବ୍ୟକ୍ତିଙ୍କ ପିଲାଙ୍କୁ ବିଦେଶରୁ ଭାରତକୁ ଆଣିଛି । ବ୍ରିଟେନ, ଫ୍ରାନ୍ସ ଜର୍ମାନୀ ଓ ସ୍ୱିଜରଲ୍ୟାଣ୍ଡର ବିଭିନ୍ନ ବିଶ୍ୱବିଦ୍ୟାଳୟରେ ଏହି ପିଲାମାନେ ପଢ଼ୁଥିଲେ । ଉପରୋକ୍ ସମୟ ମଧ୍ୟରେ ପ୍ରାୟ ୧୦୨ରୁ ଅଧିକ ଘରୋଇ ଚାର୍ଟର ବିମାନ ବିଦେଶରୁ ଧନୀ ଭାରତୀୟ ପିଲାମାନଙ୍କୁ ଭାରତ ଆଣିଛନ୍ତି । ଡାସଲ୍ଟ, ଫାଲକନ ୨୦୦୦, ବମବାର୍ଡିୟର ଚ୍ୟାଲେଞ୍ଜର ସିରିଜ ଏବଂ ହକର ବିଜନେସ ଏୟାରକ୍ରାଫ୍ଟ ଭଳି ସଂସ୍ଥାର ଜେଟରେ ଏମାନେ ଆସିଛନ୍ତି । ଏହି ଜେଟ ମଧ୍ୟରୁ ପ୍ରାୟ ୮୫% ଜେଟରେ ଜଣେରୁ ୩ ଜଣ ମଧ୍ୟରେ ଛାତ୍ର ଆସିଛନ୍ତି ବୋଲି ଭାରତୀୟ ଆକାଶର ଉବର ଭାବେ ପରିଚିତ ଜେଟସେଟଗୋର ପ୍ରତିଷ୍ଠାତା କନିକା ତେଜ୍ରିୱାଲ କହିଛନ୍ତି । ଏଥିସହ କରୋନା ସମୟରେ ଜେଟ୍ ବିମାନ ପ୍ରଦାନକାରୀ ଘଣ୍ଟା ପିଛା ଖର୍ଚ୍ଚ ମଧ୍ୟ ୧୮ ହଜାର ଟଙ୍କା ବଢ଼ିଯାଇଥିଲା । ଏଥିରୁ ଅଧିକାଂଶ ଅର୍ଥ ବିମାନ ସାନିଟାଇଜେସନରେ ଖର୍ଚ୍ଚ ହୋଇଥିଲା । କେବଳ ପିଲା ନୁହଁନ୍ତି ବାହାରେ ରହୁଥିବା ବାପାମା ମାନଙ୍କୁ ମଧ୍ୟ ଧନୀ ଭାରତୀୟମାନେ ଘରୋଇ ଜେଟ୍ ମାଧ୍ୟମରେ ଆଣିଥିବା ଜଣାଯାଇଛି ।
