ପ୍ରେମଜୀ ଦେଲେ ୧୧୨୫ କୋଟି ଟଙ୍କା
ପ୍ରେମଜୀ ଦେଲେ ୧୧୨୫ କୋଟି ଟଙ୍କା
admin
4657
ବେଙ୍ଗାଲୁରୁ: ଭାରତର ଉଦ୍ୟୋଗୀମାନଙ୍କ ମଧ୍ୟରେ ଅନିମ ପ୍ରେମଜୀ ବେଶ ଚର୍ଚ୍ଚିତ । ପୂର୍ବରୁ ସେ ତାଙ୍କର ଫାଉଣ୍ଡେସନ ମାଧ୍ୟମରେ ଦେଶର ଅନେକ ଜନହିତକର କାର୍ଯ୍ୟ କରି ଆସୁଛନ୍ତି । ବର୍ତ୍ତମାନ କରୋନା ପରିସ୍ଥିତିରେ ମଧ୍ୟ ସେ ପଛଘୁଞ୍ଚା ଦେଇନାହାନ୍ତି । ତାଙ୍କ କମ୍ପାନୀ ୱିପ୍ରୋ ଲିମିଟେଡ, ୱିପ୍ରୋ ଏଣ୍ଟରପ୍ରାଇଜେସ ଲିମିଟେଡ ଓ ଅନିମ ପ୍ରେମଜୀ ପ୍ରତିଷ୍ଠାନ କରୋନା ମୁକାବିଲା ପାଇଁ ୧୧୨୫ କୋଟି ଟଙ୍କା ଦେବା ପାଇଁ ଘୋଷଣା କରିଛନ୍ତି । କରୋନା ମୁକାବିଲା ପାଇଁ ଆଗଧାଡ଼ିରେ ରହି ସେବା ଯୋଗାଉଥିବା ମେଡିକାଲ ଓ ଅନ୍ୟାନ୍ୟ କର୍ମଚାରୀଙ୍କୁ ଏହି ପାଣ୍ଠି ସହାୟକ ହେବ ବୋଲି କମ୍ପାନୀ ପକ୍ଷରୁ ଏକ ମିଳିତ ବିବୃତ୍ତିରେ କୁହାଯାଇଛି । ୧୧୨୫ କୋଟି ଟଙ୍କାର ସହାୟତା ରାଶି ମଧ୍ୟରୁ ୱିପ୍ରୋ ଲିମିଟେଡ ୧୦୦ କୋଟି ଟଙ୍କା, ୱିପ୍ରୋ ଏଣ୍ଟରପ୍ରାଇଜେସ ଲିମିଟେଡ ୨୫ କୋଟି ଏବଂ ଅନିମ ପ୍ରେମଜୀ ପ୍ରତିଷ୍ଠାନ ୧୦୦୦ କୋଟି ଟଙ୍କା ପ୍ରଦାନ କରିବ । ୱିପ୍ରୋ ପକ୍ଷରୁ ପ୍ରତିବର୍ଷ ସାମାଜିକ ଦାୟିତ୍ୱବୋଧ ବାବଦରେ ଖର୍ଚ୍ଚ ହେଉଥିବା ଅର୍ଥରାଶି ଓ ଲୋକଙ୍କ ହିତ ପାଇଁ ଅନିମ ପ୍ରେମଜୀ ପ୍ରତିଷ୍ଠାନ କରୁଥିବା ଖର୍ଚ୍ଚ ବାଦ ଏହି ଅର୍ଥ ଖର୍ଚ୍ଚ ହେବ । ଉପଯୁକ୍ତ ସରକାରୀ ପ୍ରତିଷ୍ଠାନ ଓ ନାଗରିକ ସମାଜ ସମନ୍ୱୟ ରକ୍ଷା କରି ଅନିମ ପ୍ରେମଜୀ ପ୍ରତିଷ୍ଠାନର ୧୬୦୦ ଜଣିଆ ଟିମ୍ କାମ କରିବେ ବୋଲି କୁହାଯାଇଛି ।
