ମହାନଦୀ ଜଳବିବାଦ ମାମଲା: ଶୁଣାଣି ପାଇଁ ହୋଇପାରୁନି ସମୟ ଧାର୍ଯ୍ୟ
ମହାନଦୀ ଜଳବିବାଦ ମାମଲା: ଶୁଣାଣି ପାଇଁ ହୋଇପାରୁନି ସମୟ ଧାର୍ଯ୍ୟ
admin
1880
ନୂଆଦିଲ୍ଲୀ: ମହାନଦୀ ଜଳ ବିବାଦ ମାମଲାର ଶୁଣାଣି ପାଇଁ ଏକ ନିର୍ଦ୍ଧିଷ୍ଟ ସମୟ ସୀମା ଧାର୍ଯ୍ୟ ସକାଶେ ତିନିଦିନ ଧରି ଚାଲୁ ରହିଥିବା ବୈଠକରୁ କୌଣସି ନିଷ୍ପତ୍ତି ବାହାରି ପାରିଲାନି । ଗତ ମାସ ୭ ତାରିଖରେ ଟି୍ରବୁ୍ୟନାଲ ଉଭୟ ଓଡ଼ିଶା ଓ ଛତିଶଗଡ଼କୁ ଓଡ଼ିଶାର ମୂଳ ମାମଲା ରେଫେରାନ୍ସ-୧ ତଥା ଛତିଶଗଡ଼ର ରେଫେରାନ୍ସ-୨ ମାମଲାର ଟ୍ରାଏଲକୁ ଏକ ନିର୍ଦ୍ଧିଷ୍ଟ ସମୟ ସୀମା ଭିତରେ ଶେଷ କରିବା ପାଇଁ ନିଦେ୍ର୍ଧଶ ଦେଇଥିଲେ । ଏହା ସହିତ ଏହି ମାମଲାକୁ ଅଧିକ ଦିନ ବିଳମ୍ବ କରାଯାଇ ପାରିବ ନାହିଁ ବୋଲି କହିଥିଲେ । ଟି୍ରବୁ୍ୟନାଲଙ୍କ ନିଦେ୍ର୍ଧଶ ଅନୁସାରେ ଦୁଇ ରାଜ୍ୟ ଏହି ମାମଲାକୁ ଏକ ନିର୍ଦ୍ଧିଷ୍ଟ ସମୟସୀମା ମଧ୍ୟରେ ଶେଷ କରିବା ପାଇଁ ସହମତି ପ୍ରକାଶ କରିଥିଲେ । ବିଭିନ୍ନ ଆଇନଗତ ଭିତରେ ଆଲୋଚନା କରାଯାଇଥିଲା ତଥା ସାମ୍ଭବ୍ୟ ତାରିଖ ଗୁଡ଼ିକ ସମ୍ବନ୍ଧରେ ବିଚାର ବିମର୍ଷ କରାଯାଇଥିଲା । ତେବେ, ଟି୍ରବୁ୍ୟନାଲଙ୍କ ନିଦେ୍ର୍ଧଶ ଅନୁସାରେ ପ୍ରସ୍ତୁତ କରାଯାଉଥିବା କମନ ଇନଫରମେସନ ଫର୍ମାଟ ଚୂଡାନ୍ତ ହୋଇପାରିନାହିଁ । ଫଳରେ ଓଡ଼ିଶା ଓ ଛତିଶଗଡ଼ ମାମଲା ଶୁଣାଣି ପାଇଁ ନିର୍ଦ୍ଧିଷ୍ଟ ସମୟ ସୀମା ଧାର୍ଯ୍ୟ ହୋଇପାରି ନାହିଁ ।
