ମମତାଙ୍କ ଉପରେ ଆକ୍ରମଣ ଘଟଣାର ସିବିଆଇ ତଦନ୍ତ ଦାବି କଲେ ବିଜେପି, କଂଗ୍ରେସ
ମମତାଙ୍କ ଉପରେ ଆକ୍ରମଣ ଘଟଣାର ସିବିଆଇ ତଦନ୍ତ ଦାବି କଲେ ବିଜେପି, କଂଗ୍ରେସ
admin
4127
ମମତାଙ୍କ ଉପରେ ହୋଇଥିବା ଆକ୍ରମଣ ଘଟଣାର ସିବିଆଇ ତଦନ୍ତ ପାଇଁ ଉଭୟ ବିଜେପି ଓ କଂଗ୍ରେସ ଦାବି କରିଛନ୍ତି । ପଶ୍ଚିମବଙ୍ଗ ବିଜେପି ମୁଖ୍ୟ ଦିଲ୍ଲୀପ ଘୋଷ କହିଛନ୍ତି, ଜଣେ ଜେଡ ପ୍ଲସ ସୁରକ୍ଷାପ୍ରାପ୍ତ ହାଇପ୍ରୋଫାଇଲ ଲୋକଙ୍କ ଉପରେ କିପରି ଏଭଳି ଆକ୍ରମଣ ହେଲା ତାହା ଚିନ୍ତାଜନକ କଥା । ରାଜ୍ୟ ସରକାର ଏହାର ତଦନ୍ତ ଭାର ସିବିଆଇକୁ ଅର୍ପଣ କରିବା ଦରକାର । ସିବିଆଇ ତଦନ୍ତରୁ ଆକ୍ରମଣ ପ୍ରକୃତରେ ହୋଇଛି ନା ସମବେଦନାମୂଳକ ଭୋଟ ହାସଲ ଲାଗି ଏକ ସୁଚିନ୍ତିତ ଯୋଜନା ତାହା ଜଣାପଡ଼ିଯିବ । ସେହିପରି ରାଜ୍ୟବାସୀ ପୂର୍ବରୁ ବି ଏପରି ଡ୍ରାମା ଦେଖି ସାରିଛନ୍ତି । ଏଥରକ କିନ୍ତୁ ଏହାର କିଛି ଫଳ ମିଳିବ ନାହିଁ । ଯେଉଁମାନେ କ୍ଷମତାରୁ ବିତାଡ଼ିତ ହେବା ନେଇ ଭୟ କରୁଛନ୍ତି ସେମାନେ ଭୋଟ ହାସଲ ଲାଗି ଯେ କୌଣସି ସ୍ତରକୁ ଯାଇପାରିବେ ବୋଲି ଘୋଷ ଅଭିଯୋଗ କରିଛନ୍ତି । ବରିଷ୍ଠ କଂଗ୍ରେସ ନେତା ଅଧୀର ରଞ୍ଜନ ଚୌଧୁରୀ କହିଛନ୍ତି, ତୃଣମୂଳ କଂଗ୍ରେସ ଏହା ମାଧ୍ୟମରେ ରାଜନୈତିକ ମାଇଲେଜ ପାଇବା ଲାଗି ପ୍ରୟାସ କରିଛନ୍ତି । ତୃଣମୂଳ କଂଗ୍ରେସ ଏହା ମାଧ୍ୟମରେ ରାଜନୈତିକ ମାଇଲେଜ ପାଇବା ଲାଗି ପ୍ରୟାସ କରୁଛି । ଜନସାଧାରଣଙ୍କ ସାମ୍ନାରେ ପ୍ରକୃତ ସତ୍ୟ ଉପସ୍ଥାପନା ହେବା ଲାଗି ଘଟଣାର ପୁଙ୍ଖାନୁପୁଙ୍ଖ ତଦନ୍ତ କରିବା ଆବଶ୍ୟକ ।
