ଭୁବନେଶ୍ୱର ପେଟ୍ରୋଲରେ ମିଶୁଛି ପାଣି , ପମ୍ପ ବନ୍ଦ କଲା ପୁଲିସ
ଭୁବନେଶ୍ୱର ପେଟ୍ରୋଲରେ ମିଶୁଛି ପାଣି , ପମ୍ପ ବନ୍ଦ କଲା ପୁଲିସ
admin
5966
ଭୁବନେଶ୍ୱର: ପେଟ୍ରୋଲରେ ମିଶୁଛି ପାଣି । ରାଜଧାନୀରେ ଏପରି ଘଟଣା ପଦାକୁ ଆସିଛି । ଅଭିଯୋଗ ପରେ ଅଭିଯୋଗ ହସ୍ତଗତ ହେବାରେ ଲାଗିଛି । ପାଣି ମିଶି୍ରତ ପେଟ୍ରୋଲ ପକାଇ ଗାଡ଼ି ଚାଳକ ହନ୍ତସନ୍ତ ହେବା ସହ ଏହାକୁ ନେଇ ଉତ୍ତେଜନତା ପରିଲକ୍ଷିତ ହୋଇଛି । ପେଟ୍ରୋଲ ଦର ୧୦୦ ଟଙ୍କା ଛୁଇଁଲାଣି । ବଢ଼ୁଥିବା ପେଟ୍ରୋଲ ଦରକୁ ନେଇ ଲୋକଙ୍କ ଭିତରେ ଅସନ୍ତୋଷ କୁହୁଳୁଛି । ଏତିକି ବେଳେ ବରମୁଣ୍ଡାସ୍ଥିତ ପେଟ୍ରୋଲ ପମ୍ପରେ ପାଣି ମିଶା ପେଟ୍ରୋଲ ବିକି୍ର ଘଟଣାକୁ ନେଇ ଉତ୍ତେଜନା ଦେଖାଦେଇଛି । ଖବର ପ୍ରଚାର ହେବା ପରେ ଶତାଧିକ ଲୋକ ଘଟଣା ସ୍ଥଳରେ ପହଞ୍ଚି ଥିଲେ । ଏଭଳି ଠକାମିର ପଡ଼ିଥିବା ଅଭିଯୋଗକାରୀଙ୍କ ସଂଖ୍ୟା ବଢ଼ିବାରେ ଲାଗିଥିଲା । ଯେଉଁମାନେ ଠକାମିରେ ପଡ଼ିଥିଲେ ସେଠାରେ ପହଞ୍ଚି ପେଟ୍ରୋଲ ପମ୍ପ କର୍ମଚାରୀଙ୍କୁ ତାଗିଦ କରିଥିଲେ । ପେଟ୍ରୋଲ ପମ୍ପ କର୍ମଚାରୀ କିଛି ନ କହି ଭୟଭୀତ ଅବସ୍ଥାରେ ଥିବା ଦେଖାଯାଇଥିଲା । କୌଣସି ଅଘଟଣ ଘଟିବା ଆଶଙ୍କାରେ ଭରତପୁର ଥାନା ପୁଲିସ, ପିସିଆର ଭ୍ୟାସ ପହଞ୍ଚିଥିଲା । ପୁଲିସ ଜନସାଧାରଣଙ୍କୁ ବୁଝାଇବା ସହ ସେମାନଙ୍କୁ ଥାନାରେ ଅଭିଯୋଗ କରିବାକୁ କହିଥିଲା । ଏଭଳି ଅପମିଶି୍ରତ ତେଲ ବିକି୍ର ବନ୍ଦ କରିଥିଲା ପୁଲିସ । ତେଲ ଟାଙ୍କି ବନ୍ଦ ପରେ ସେଠାରେ ପୁଲିସ ମୁତୟନ କରାଯାଇଛି । ଏହି ଘଟଣାରେ ପୁଲିସ ପେଟ୍ରୋଲ ପମ୍ପ ମ୍ୟାନେଜର ଓ କିଛି କର୍ମଚାରୀଙ୍କୁ ପଚରା ଉଚରା ଲାଗି ପୁଲିସ ଥାନାକୁ ନେଇଯାଇଛି ।
