ଭାରତ ବାଇଓଟେକର ‘କୋଭାକ୍ସିନ’, ଆରମ୍ଭ ହେଉଛି ପରୀକ୍ଷଣ
ଭାରତ ବାଇଓଟେକର ‘କୋଭାକ୍ସିନ’, ଆରମ୍ଭ ହେଉଛି ପରୀକ୍ଷଣ
admin
5725
ଆଇସିଏମଆର ଓ ଭାରତ ବାଇଓଟେକର ମିଳିତ ଉଦ୍ୟମରେ କୋଭିଡ -୧୯ ପାଇଁ କୋଭାକ୍ସିନ ଟିକା ପ୍ରସ୍ତୁତ କରାଯାଉଛି । ପୁନେସ୍ଥିତ ଇଣ୍ଡିଆନ ଇନଷ୍ଟିଚୁ୍ୟଟ ଅଫ ଭାଇଓରୋଲୋଜି ଦ୍ୱାରା କୋଭିଡ-୧୯କୁ ଆଇସୋଲେଟ କରାଯିବା ପରେ ଭୁତାଣୁକୁ ଭାରତୀୟ ଷ୍ଟ୍ରେନୁ ହିଁ ଏହି ଇନଆକ୍ଟିଭେଟେଡ ଟିକା ପ୍ରସ୍ତୁତ କରାଯାଇଛି । ଦେଶର ୨୫ଟି କେନ୍ଦ୍ରରେ ୨୬ ହଜାର ସ୍ୱେଚ୍ଛାସେବୀଙ୍କ ଉପରେ ଏହାର ତୃତୀୟ ପର୍ଯ୍ୟାୟ ପରୀକ୍ଷଣ କରାଯାଉଚି । ସମ ହସ୍ପିଟାଲରେ ମଧ୍ୟ ଏହାର ମାନବ ପରୀକ୍ଷଣ ହୋଇଛି । ପ୍ରଥମ ଓ ଦ୍ୱିତୀୟ ପର୍ଯ୍ୟାୟ ପରୀକ୍ଷଣରୁ ମିଳିଥିବା ତଥ୍ୟ ଅନୁସାରେ ଟିକାର କୌଣସି ପାଶ୍ୱର୍ ପ୍ରତିକି୍ରୟା ଦେଖାଯାଇନାହିଁ । ଏହା ସହ ରୋଗ ପ୍ରତିରୋଧକ ଶକ୍ତି ବଢ଼ାଇବାରେ ଏହା ସହାୟକ ହୋଇଛି । ଏହି ଟିକାକୁ ୨-୮ ଡିଗ୍ରୀରେ ସଂରକ୍ଷିତ କରାଯାଇ ପାରିବ । ବର୍ଷକୁ ୨୦୦ ମିଲିୟନ ଟିକା ପ୍ରସ୍ତୁତ କରାଯାଇପାରିବ ବୋଲି କମ୍ପାନୀ ପକ୍ଷରୁ ଲକ୍ଷ୍ୟ ରଖାଯାଇଛି । ତେବେ ଏହାର ଦାମ କେତେ ରହିବ ତାହା ଏ ପର୍ଯ୍ୟନ୍ତ ଘୋଷଣା କରାଯାଇ ନାହିଁ । ତେବେ ଅଗଷ୍ଟ ମାସରେ କମ୍ପାନୀ ପକ୍ଷରୁ କୁହାଯାଇଥିଲା ଯେ ଟିକାର ଦାମ ପାଣି ବୋତଲର ଦାମ ଠାରୁ ମଧ୍ୟ କମ୍ ରହିବ ।
