ବିରୋଧୀ ଦଳ ନେତାଙ୍କୁ ସେନା ବୁଟ୍ ଦେଖାଇବା ଘଟଣା
ବିରୋଧୀ ଦଳ ନେତାଙ୍କୁ ସେନା ବୁଟ୍ ଦେଖାଇବା ଘଟଣା
admin
6044
ପାକ୍ ଆଙ୍କର, ଟକ୍ ସୋ ଉପରେ ବ୍ୟାନ୍
ଇସଲମାବାଦ - ପାକିସ୍ତାନର ଏକ ଟେଲିଭିଜନ କାର୍ଯ୍ୟକ୍ରମରେ ଭାଗ ନେଲାବେଳେ ଜଣେ ମନ୍ତ୍ରୀ ବିରୋଧୀ ଦଳର କିଛି ନେତାଙ୍କୁ ସେନା ବୁଟ୍ ଦେଖାଇବା ଘଟଣାକୁ ନେଇ ଏବେ ପାକିସ୍ତାନରେ ଝଡ଼ ସୃଷ୍ଟି ହୋଇଛି । ପାକିସ୍ତାନ ଇଲେକ୍ଟ୍ରୋନିକ ମିଡିଆ ରେଗୁଲେଟୋରୀ ଅର୍ଥରିଟି ଉକ୍ତ କାର୍ଯ୍ୟକ୍ରମ ଏବଂ ତାହାକୁ ହୋଷ୍ଟ କରୁଥିବା ଆଙ୍କରଙ୍କ ଉପରେ ୬୦ ଦିନ ପାଇଁ କଟକଣା ଲଗାଇଛି ।
ରିପୋର୍ଟ ଅନୁଯାୟୀ ଏଆର ୱାର ନୁ୍ୟଜ ନାମକ ଟିଭି ଚ୍ୟାନେଲରେ ଉକ୍ତ ଟକ୍ ସୋ ‘ଫ ଦି ରେକର୍ଡ’ ପ୍ରସାରିତ ହେଉଥିଲା । ଏଥିରେ ଭାଗ ନେଲା ବେଳେ ପାକିସ୍ତାନର ଜଳସମ୍ପଦ ବିକାଶ ମନ୍ତ୍ରୀ ଫୈସଲ ଭାୱଦା ସେଥିରେ ଅଂଶ ଗ୍ରହଣ କରିଥିବା ଦୁଇ ଜଣ ବିରୋଧୀ ଦଳ ନେତାଙ୍କୁ ସେନା ବୁଟ୍ ଦେଖାଇ ପରିହାସ କରିଥିଲେ । ଦୁଇ ବିରୋଧୀ ଦଳ ବିଭିନ୍ନ ସମୟରେ ପାକ୍ ସେନାକୁ ସମାଲୋଚନା କରୁଥିବା ସତ୍ତ୍ୱେ ସେନାମୁଖ୍ୟ ବାଜୱାଙ୍କ କାର୍ଯ୍ୟକାଳ ବୃଦ୍ଧି ସପକ୍ଷରେ ଆଗତ ପ୍ରସ୍ତାବକୁ ସମର୍ଥନ କରି ଭୋଟ ଦେଇଥିଲେ । ତେଣୁ ସେମାନଙ୍କର ଏପରି ବିରୋଧାତ୍ମକ ଆଭିମୁଖ୍ୟକୁ ଉପହାସ କରିବା ପାଇଁ ଭାୱଦା ଏପରି କରିଥିଲେ । ହେଲେ କାର୍ଯ୍ୟକ୍ରମର ଆଙ୍କର ତାଙ୍କୁ ଏଥିରୁ ନିବୃତ୍ତ କରିବା ପାଇଁ ପ୍ରୟାସ କରିନଥିଲେ । ଏଥିରେ କ୍ରୋଧିତ ହୋଇ ବିରୋଧୀ ଦଳର ଦୁଇ ନେତା କାର୍ଯ୍ୟକ୍ରମରେ ଅଧାରୁ ଉଠି ପଳାଇଥିଲେ । ଏହି ଘଟଣା ଏବେ ପାକିସ୍ତାନରେ ଚର୍ଚ୍ଚାର ବିଷୟ ପାଲଟିଛି ।
