ବିଜେପୁର : ବିଜେଡ଼ି ଆଗୁଆ

Oct 24, 2019 - 04:59 Updated: Oct 24, 2019 - 04:59

6508

ଭୁବନେଶ୍ୱର : ବହୁ ପ୍ରତୀକ୍ଷିତ ବିଜେପୁର ଉପନିର୍ବାଚନର ଭୋଟ ଗଣତି ଜାରି ରହିଛି । ଇତିମଧ୍ୟରେ ୩ ରାଉଣ୍ଡ ଗଣତି ଶେଷ ହୋଇଥିବାବେଳେ ବିଜେଡ଼ି ବହୁ ଭୋଟରେ ଆଗୁଆ ରହିଛି । ବିଜେପି ଦ୍ୱିତୀୟ ସ୍ଥାନରେ ରହିଥିବାବେଳେ ତୃତୀୟ ସ୍ଥାନରେ ରହିଛି କଂଗ୍ରେସ । ବିଜେଡ଼ିରୁ ରୀତା ସାହୁ ପ୍ରାର୍ଥୀ ହୋଇଥିବାବେଳେ ବିଜେପିରୁ ସନତ ଗଡ଼ତିଆ ଓ କଂଗ୍ରେସରୁ ଦିଲ୍ଲୀପ ପଣ୍ଡା ପ୍ରାର୍ଥୀ ହୋଇଛନ୍ତି । ଚତୁର୍ଥ ରାଉଣ୍ଡ ସୁଦ୍ଧା ବିଜେଡ଼ି ୨୩ ହଜାର ଭୋଟରେ ଆଗୁଆ ରହିଛି । ପ୍ରତି ରାଉଣ୍ଡରେ ବିଜୁ ଜନତା ଦଳର ପ୍ରାର୍ଥୀ ରୀତା ସାହୁ ଅଗ୍ରଣୀ ଲାଭ କରୁଥିବାବେଳେ ସେ ଜିତିବା ନିଶ୍ଚିତ ହୋଇସାରିଛି । ଅପରପକ୍ଷରେ ଏଯାବତ କଂଗ୍ରେସ ମାତ୍ର ୧୧୧୫ ଖଣ୍ଡ ଭୋଟ ପାଇଥିବାରୁ ଅମାନତ ନରହିବାର ଆଶଙ୍କା ରହିଛି । ସକାଳ ୮ଟାରୁ ଭୋଟ ଗଣତି ଆରମ୍ଭ ହୋଇଥିଲା । ପ୍ରଥମେ ପୋଷ୍ଟାଲ ଭୋଟ ଗଣତି ପରେ ଇଭିଏମ ଭୋଟ ଗଣତି କରାଯାଇଥିଲା । ୧୪ଟି ଟେବୁଲରେ ୧୦୩ ଜଣ ଭୋଟ ଗଣନା କାର୍ଯ୍ୟରେ ସାମିଲ ହୋଇଛନ୍ତି । ପ୍ରତି ଟେବୁଲରେ ୩ ଜଣ ଅଧିକାରୀ ରହିଛନ୍ତି ।