ବିଜେପି ମହିଳା ମୋର୍ଚ୍ଚା କର୍ମୀଙ୍କ ନବୀନ ନିବାସ ଘେରାଉ ଉଦ୍ୟମ
ବିଜେପି ମହିଳା ମୋର୍ଚ୍ଚା କର୍ମୀଙ୍କ ନବୀନ ନିବାସ ଘେରାଉ ଉଦ୍ୟମ
admin
5271
ଭୁବନେଶ୍ୱର: ବୁଧବାର ନବୀନ ନିବାସରେ ପ୍ରବେଶକୁ ଉଦ୍ୟମ କରି ବିଜେପି ମହିଳା ମୋର୍ଚ୍ଚାର କର୍ମୀମାନେ ପୁଲିସକୁ ନାକେଦମ କରିଦେଇଛନ୍ତି । ବିଭିନ୍ନ ଦିଗରୁ ନବୀନ ନିବାସ ଆଡ଼କୁ ବିଜେପି ମହିଳା ମୋର୍ଚ୍ଚାର କର୍ମୀମାନେ ମାଡ଼ି ଆସିବାରୁ ସେମାନଙ୍କୁ ଅଟକାଇବାରେ ପୁଲସି ଝାଳନାଳ ହୋଇଯାଇଛି । ପ୍ରଥମେ କର୍ମୀମାନେ ଏୟାରପୋର୍ଟ ରାସ୍ତାରେ ଯାଇଥିଲେ । ତେବେ ପୁଲିସ ସେମାନଙ୍କୁ ଅଟକାଇଥିଲା । ପୁଲିସ ପ୍ରଭାତି ପରିଡ଼ା ଓ ସୁରମା ପାଢୀଙ୍କ ସମେତ ବହୁ କର୍ମୀଙ୍କୁ ଅଟକାଇଥିଲା । ତେବେ ଏହି ସମୟରେ ଏକ ଗଳି ରାସ୍ତାରେ ପଶି ଆଉ କିଛି କର୍ମୀ ଟ୍ରାଫିକ ପୋର୍ଟ ପର୍ଯ୍ୟନ୍ତ ପହଞ୍ଚି ଯାଇଥିଲେ । ମହିଳା କର୍ମୀମାନେ ଅଚାନକ ମାଡ଼ି ଆସୁଥିବା ଦେଖି ପୁଲିସ ହଡ଼ବଡେ଼ଇ ଯାଇଥିଲା । ପୁଲିସ ସେମାନଙ୍କୁ ଆୟତ୍ତ କଲାବେଳକୁ ଅନ୍ୟ ଦିଗରୁ ଆଉ ଦଳେ କର୍ମୀ ପଳାସପଲ୍ଲୀ ଆଡ଼ୁ ମାଡ଼ି ଆସିଥିଲେ । ପରେ ପୁଲିସ ଓ ବିଜେପି ମହିଳା ମୋର୍ଚ୍ଚାର କର୍ମୀମାନଙ୍କ ମଧ୍ୟରେ ଧସ୍ତାଧସ୍ତି ହୋଇଥିଲା । ଶେଷରେ କର୍ମୀମାନେ ରାସ୍ତା ଶୋଇରହିଥିବା ସୂଚନା ମିଳିଛି ।
