ବଚଷାରୁ ଛୁରୀ ଭୁଷି ହତ୍ୟା
ବଚଷାରୁ ଛୁରୀ ଭୁଷି ହତ୍ୟା
admin
5651
ନୟାଗଡ଼ : ନୟାଗଡ଼ ଜିଲ୍ଲା ଇଟାମାଟି ଥାନା ଗଦାଧର ପ୍ରସାଦରେ ଧାର ଟଙ୍କା ମାଗିବାରୁ ଛୁରୀ ଭୁଷି ହତ୍ୟା କରାଯିବା ଭଳି ଏକ ଅଭାବନୀୟ ଘଟଣା ଘଟିଛି । । ସୂଚନା ଅନୁସାରେ ରମେଶ ମୁଦୁଲିଙ୍କ ଠାରୁ ଗୋଲ ରାଉତ ନାମ ଜଣେ ବ୍ୟକ୍ତି ୩୫ ହଜାର ଟଙ୍କା ଧାର ନେଇଥିଲେ । ବାରମ୍ବାର ଗୋଲ ରାଉତଙ୍କୁ ଟଙ୍କା ମାଗିବା ସତ୍ୱେ ସେ ଫେରାଉ ନଥିଲେ ।
ଟଙ୍କା ଫେରାଇବାକୁ ନେଇ ୨ଜଣଙ୍କ ଭିତରେ ବଚଷା ହୋଇଥିଲା । ଏହି ସମୟରେ ଗୋଲର ପୁଅ ଲକ୍ଷ୍ମୀଧର ଏକ ଧାରୁଆ ଭୁଜାଲିରେ ରମେଶଙ୍କୁ ଆକ୍ରମଣ କରିଥିଲା । ଗୁରୁତର ଅବସ୍ଥାରେ ତାଙ୍କୁ ଡ଼ାକ୍ତରଖାନାରେ ଭର୍ତି କରାଯାଇଥିଲା । ସେଠାରେ ତାଙ୍କ ମୃତ୍ୟୁ ହୋଇଛି । ଇଟାମାଟି ପୋଲିସ ଘଟଣା ଛାନଭିନ ଆରମ୍ଭ କରିଥିବା ବେଳେ ହତ୍ୟାକାରୀ ପୁଅ ଓ ବାପା ଘଟଣାରେ ଫେରାର ଅଛନ୍ତି ।
