ପ୍ରଦୀପ ପାଣିଗ୍ରାହୀ ଗିରଫ
ପ୍ରଦୀପ ପାଣିଗ୍ରାହୀ ଗିରଫ
admin
5483
ଭୁବନେଶ୍ୱର : ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀଙ୍କୁ ଗିରଫ କରାଯାଇଛି । ଏକାଧିକ ଦଫା ଲଗାଯାଇ ପ୍ରଦୀପଙ୍କୁ ଗିରଫ କରାଯାଇଛି । ସନ୍ଧ୍ୟାରେ କ୍ରାଇମବ୍ରାଞ୍ଚ ପକ୍ଷରୁ ପ୍ରଦୀପଙ୍କୁ କ୍ରାଇମବ୍ରାଞ୍ଚ ଉଠାଇ ନେଇଯାଇଥିଲା । ପଚରା ଉଚୁରା ପରେ ଅର୍ଥ ହେରଫେର ଅଭିଯୋଗରେ ପ୍ରଦୀପଙ୍କୁ ଗିରଫ କରାଯାଇଛି । ପ୍ରଦୀପଙ୍କ ବିରୋଧରେ କେଶ ନମ୍ବର ୨୬/୨୦୨୦ ଅନୁଯାୟୀ ଆଇପିସିର ଧାରା ୪୧୯/୪୨୯/୪୬୭/୪୬୮/୪୬୯/୪୭୧/୧୨୦-ବି ଏବଂ ଆଇଟି ଆକ୍ଟ ୨୦୦୦ରେ ମାମଲା ରୁଜୁ କରାଯାଇଛି ।
ତେବେ ପ୍ରଦୀପଙ୍କୁ ଉଠାଇ ନେବା କଡା ଭାଷାରେ ନିନ୍ଦା କରିଛନ୍ତି ପ୍ରଦୀପଙ୍କ ପତ୍ନୀ ସୁଜାତା ପାଣିଗ୍ରାହୀ । ମୋ ସ୍ୱାମୀ କଣ ନକ୍ସଲ ଯେ, ତାଙ୍କୁ ଏଭଳି ଭାବରେ ଘରୁ ଉଠାଇ ନିଆଯାଇଛି । ଏହା ସହିତ ତାଙ୍କ ସ୍ୱାମୀଙ୍କ ଜୀବନ ପ୍ରତି ବିପଦ ରହିଛି ଏବଂ ସୁରକ୍ଷା ପାଇଁ ମୁଖ୍ୟମନ୍ତ୍ରୀଙ୍କୁ ନିବେଦନ କରିଛନ୍ତି ସୁଜାତା ପାଣିଗ୍ରାହୀ ।
ପ୍ରଦୀପଙ୍କ ଭୁବନେଶ୍ୱର ସ୍ଥିତ ସରକାରୀ ବାସଭବନରୁ ତାଙ୍କୁ ଉଠାଇ ନିଆଯାଇଥିବା ନେଇ ପତ୍ନୀ ସୁଜାତା ପାଣିଗ୍ରାହୀ ସୂଚନା ଦେଇଥଲେ । କ୍ରାଇମବ୍ରାଞ୍ଚ ପରିଚୟ ଦେଇ କିଛି ଲୋକ ଉଠାଇ ନେଇଥିବା ନେଇ ପତ୍ନୀ ଅଭିଯୋଗ କରିଥିଲେ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିକଟରୁ ଦୂରେଇବା ପାଇଁ ଏଭଳି ଷଡଯନ୍ତ୍ର କରାଯାଇଛି ବୋଲି ପତ୍ନୀ ଅଭିଯୋଗ କରଥିଲେ ।
