ପିପିଲି ତରାକାଜ ଛକରୁ ପୁଲିସ ୫୦ ଲକ୍ଷ ଟଙ୍କା ଜବତ
ପିପିଲି ତରାକାଜ ଛକରୁ ପୁଲିସ ୫୦ ଲକ୍ଷ ଟଙ୍କା ଜବତ
admin
3810
ଭୁବନେଶ୍ୱର : ପିପିଲି ଉପନିର୍ବାଚନ ପାଇଁ ଏବେ ରାଜନୈତିକ ପାଣିପାଗ ସରଗରମ ହୋଇଛି । ଜମୁଛି ପ୍ରଚାର ମୈଦାନ । ପିପିଲି ଉପନିର୍ବାଚନ ପାଇଁ ତିନି ଦଳର କସରତ ଆରମ୍ଭ । ତେବେ ଏହାରି ଭିତରେ ଏକ ବଡ଼ ଖବର ସାମନାକୁ ଆସିଛି । ତାହା ହେଲା ପିପିଲି ତରାକାଜ ଛକରୁ ପୁଲିସ ୫୦ ଲକ୍ଷ ଟଙ୍କା ଜବତ କରିଛି । ପଲସରରେ ଯାଉଥିବା ୨ ବାଇକ ଆରୋହୀଙ୍କ ଠାରୁ ପୁଲିସ ଉକ୍ତ ଟଙ୍କା ଜବତ କରିଛି । ପୁଲିସ ଆଜି ରୁଟିଂ ଚେକିଂ କରୁଥିବାବେଳେ ସମ୍ପୃକ୍ତ ୨ ଜଣ ଯୁବକଙ୍କୁ ଅଟକାଇ ଯାଞ୍ଚ କରିଥିଲା । ପରେ ସେମାନଙ୍କ ଠାରୁ ୫୦ ଲକ୍ଷ ଟଙ୍କା ଜବତ କରିଥିଲା । ଉଭୟ ଯୁବକ ବଳଙ୍ଗା ଅଞ୍ଚଳ ହୋଇଥିବା ଜଣାଯାଇଛି । ତେବେ ଟଙ୍କା କେଉଁଠୁ ଆସିଥିଲା ଓ କୁଆଡେ଼ ଯାଉଥିଲା ସେ ନେଇ ଖବର ଲେଖା ସୁଦ୍ଧା କିଛି ସ୍ପଷ୍ଟ ହୋଇନାହିଁ । ପୁଲିସ ସମ୍ପୃକ୍ତ ଯୁବକ ଦୁଇ ଜଣଙ୍କୁ ଅଟକ ରଖି ଏବାବଦରେ ପଚରାଉଚୁରା କରୁଛି । ଅନ୍ୟପକ୍ଷରେ ଏହି ଟଙ୍କା ନିର୍ବାଚନୀ ଖର୍ଚ୍ଚ ପାଇଁ ଯାଉଥିବା ରାଜନୈତିକ ମହଲରେ ଚର୍ଚ୍ଚା ହେଉଛି ।
