ପାକିସ୍ଥାନୀ କ୍ରିକେଟରଙ୍କ ଭାରତ ପ୍ରେମ
ପାକିସ୍ଥାନୀ କ୍ରିକେଟରଙ୍କ ଭାରତ ପ୍ରେମ
admin
5216
ସେହବାଗଙ୍କ ମୁଣ୍ଡର ଚୂଳଠୁ ମୋ ପାଖରେ ଅଧିକ ଅର୍ଥ ଅଛି: ଅଖତର
ନୂଆଦିଲ୍ଲୀ/କରାଚୀ : ବିଗତ ଦିନର ଦୁଇ ତାରକା ଖଳାଳି ଭାରତୀୟ ବ୍ୟାଟସମ୍ୟାନ ବୀରେନ୍ଦ୍ର ସେହବାଗ ଏବଂ ପାକିସ୍ତାନୀ ଦ୍ରୁତ ବାଲର ସୋଏବ ଅଖତରଙ୍କ ମଧ୍ୟରେ ହୋଇଥିବା ପରୋକ୍ଷ ବାକ୍ୟ ବିନିମୟ ଏବେ କି୍ରକେଟ ପ୍ରଶଂସକଙ୍କ ପାଇଁ ମନୋରଞ୍ଜନକର ଖୋରାକ ଯୋଗାଇଛି । ସେହବାଗଙ୍କ ଏକ ୩ ବର୍ଷ ତଳର ଭିଡିଓକୁ ସୋଏବ ଅଖତର ମଜାଳିଆ ଢ଼ଙ୍ଗରେ ଏହାକୁ ଉପସ୍ଥାପନ କରିଛନ୍ତି । ୨୦୧୬ ମସିହାରେ ଏହି ଭିଡିଓରେ ସେହବାଗ କହିଥିଲେ ‘ସୋଏବ ଅଖତର ଅର୍ଥ ପାଇଁ ଭାରତର ପ୍ରଶଂସା କରିଥାନ୍ତି’ । ଅଖତରଙ୍କ ପାଇଁ ଏହା ଅସହ୍ୟ ହେବାରୁ ସେ ନିଜ ୟୁଟୁବ ଚ୍ୟାନେଲରେ ଏକ ପରିହାସଭରା ଟିପ୍ପଣୀ ରଖିଛନ୍ତି । ଏଥିରେ ସେ କହିଛନ୍ତି ତାଙ୍କ (ସେହବାଗ) ମୁଣ୍ଡରେ ଯେତିକି ଚୂଳ ଅଛି, ତା ଠାରୁ ମୋ ପାଖରେ ସମ୍ଭବତଃ ଅଧିକ ଅର୍ଥ ଅଛି ।’ ଏହା କହିସାରି ଅଖତର ମଧ୍ୟ ତୁରନ୍ତ ଉଲ୍ଲେଖ କରିଛନ୍ତି ‘ଏହାକୁ ମୁଁ ମଜାଳିଆ ଢ଼ଙ୍ଗରେ କହିଛି । ଏହାକୁ ଥଟ୍ଟା ଭାବେ ନେବ ବୀରୁ ।’ ସୂଚନା ଯୋଗ୍ୟ ୨୦୧୬ ମସିହାର ଏକ ସୋ’ରେ ସେହବାଗ କହିଥିଲେ ‘ଅଖତର ଓ ମୁଁ ଭଲ ବନ୍ଧୁ, ଭାରତରେ ବ୍ୟବସାୟ କରିବାକୁ ସେ ଆମ ଦେଶର ପ୍ରଶଂସା କରିଥାନ୍ତି । ତାଙ୍କର ପ୍ରତିଟି ସାକ୍ଷାତକାର ଦେଖିଲେ ଏହା ଆପଣ ଜାଣିପାରିବେ । ଏଭଳି ପ୍ରଶଂସା ସେ ତାଙ୍କ ଖେଳ ଜୀବନରେ କରୁନଥିଲେ ।” ଗତ ରବିବାର ଅଷ୍ଟ୍ରେଲିଆ ବିପକ୍ଷରେ ଭାରତର ଦିନିକିଆ ଶୃଙ୍ଖଳା ବିଜୟ ପରେ ଅଖତର ମଧ୍ୟ କୋହଲି ବାହିନୀକୁ ପ୍ରଶଂସା କରିଥିଲେ । ସେହବାଗଙ୍କ କଥାକୁ କାଟିବାକୁ ଯାଇ ଅଖତର କହିଛନ୍ତି ‘ଭାରତ ଭଲ ଖେଳୁଥିବା ବେଳେ କାହିଁକି ପ୍ରଶଂସା କରାଯିବ ନାହିଁ । ଭାରତକୁ ପ୍ରଶଂସା କରିବାରେ ମୁଁ ପ୍ରଥମ ପାକିସ୍ତାନୀ ନୁହେଁ । ପୂର୍ବରୁ ରମିଜ ରାଜା, ସାହିଦ ଆଫି୍ରଦ ମଧ୍ୟ ପ୍ରଶଂସା କରିଛନ୍ତି । ମୁଁ କି୍ରକେଟ ସମ୍ପର୍କରେ କୌଣସି ମତ ଦେବାବେଳେ ଏତେ ସମସ୍ୟା କାହିଁକି ବୋଲି ଅଖତର ପ୍ରଶ୍ନ କରିଛନ୍ତି । ମୁଁ ଏବେ କେବଳ ମୋ ୟୁଟୁବ୍ ଚ୍ୟାନେଲ ପାଇଁ ଖ୍ୟାତ ନୁହେଁ, ପାକିସ୍ତାନ ପାଇଁ ୧୫ ବର୍ଷ ଖେଳିଛି ଏବଂ ବିଶ୍ୱର ଦ୍ରୁତତମ ବୋଲର ଥିଲି’ ବୋଲି ଅଖତର ପ୍ରକାଶ କରିଥିଲେ ।
