ପଶ୍ଚିମବଙ୍ଗ ଦଖଲ ପାଇଁ ବିଜେପି ଦଳର ପ୍ରମୁଖ ସାରଥୀ
ପଶ୍ଚିମବଙ୍ଗ ଦଖଲ ପାଇଁ ବିଜେପି ଦଳର ପ୍ରମୁଖ ସାରଥୀ
admin
3892
ନୂଆଦିଲ୍ଲୀ:ପଶ୍ଚିମବଙ୍ଗ ଦଖଲ ପାଇଁ ବିଜେପି ସମସ୍ତ କଳ, ବଳ କୌଶଳ ଲଗାଇ ଦେଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ସ୍ୱରାଷ୍ଟ୍ର ମନ୍ତ୍ରୀ ଅମିତ ଶାହା ଏହି ଲଢେ଼ଇରେ ଦଳର ପ୍ରମୁଖ ସାରଥୀ ପାଲଟିଛନ୍ତି । ସେଥିପାଇଁ ଉଭୟ ମିଶି ପଶ୍ଚିମବଙ୍ଗରେ ୭୦ ରୁ ଅଧିକ ନିର୍ବାଚନ ସଭାରେ ଉଦବୋଧନ ଦେବା କାର୍ଯ୍ୟକ୍ରମ ଧାର୍ଯ୍ୟ ହୋଇଛି । ଦଳୀୟ ସୂତ୍ରରୁ ମିଳିଥିବା ସୂଚନା ଅନୁସାରେ ମୋଦି ମୋଟ ୨୦ଟି ଓ ଶାହା ୫୦ ଟି ଶୋଭାଯାତ୍ରା ତଥା ସଭାରେ ଉଦବୋଧନ ଦେବେ । ପାର୍ଟି ସଭାପତି ଜେ.ପି ନଡ୍ଡା ମଧ୍ୟ ୫୦ଟି ସଭାରେ ଭାଷଣ ଦେବା କାର୍ଯ୍ୟକ୍ରମ ସ୍ଥିର ହୋଇଛି । ମାର୍ଚ୍ଚ ୭ରେ କଲକାତାରେ ପରେଡ ଗ୍ରାଉଣ୍ଡରେ ମୋଦିଙ୍କ ପ୍ରଥମ ନିର୍ବାଚନ ସଭା ଆୟୋଜନ କରାଯାଇଛି । ଏଠାରେ ଅନୁ୍ୟନ ୧୦ ଲକ୍ଷ ଲୋକ ସମାଗମ ପାଇଁ ପ୍ରସ୍ତୁତି ଚାଲିଛି । ଆବଶ୍ୟକ ହେଲେ ମୋଦିଙ୍କ କାର୍ଯ୍ୟକ୍ରମ ୩୦କୁ ବୃଦ୍ଧି ପାଇବା ସମ୍ଭାବନା ରହିଛି ବୋଲି କହିଛନ୍ତି ଦଳୀୟ ନେତା ରାହୁଲ ସିହ୍ନା ।
