ପଞ୍ଚାୟତ ନିର୍ବାହୀ ଅଧିକାରୀଙ୍କୁ ଚପଲରେ ବାଡେ଼ଇଛନ୍ତି ବିଡିଓ
ପଞ୍ଚାୟତ ନିର୍ବାହୀ ଅଧିକାରୀଙ୍କୁ ଚପଲରେ ବାଡେ଼ଇଛନ୍ତି ବିଡିଓ
admin
2692
କିଶୋରନଗର : ଭୋଟର ତାଲିକା ଦାଖଲରେ ବିଳମ୍ବ ହେବାରୁ ଜଣେ ପଞ୍ଚାୟତ ନିର୍ବାହୀ ଅଧିକାରୀ (ପିଇଓ)ଙ୍କୁ ଚପଲରେ ବାଡେ଼ଇଛନ୍ତି କିଶୋରନଗର ବିଡିଓ ଶ୍ୟାମଳ ସୁନ୍ଦର ରାୟ । ଖାଲି ବାଡେ଼ଇ ନାହାନ୍ତି, ମା ଭଉଣୀ ନେଇ ଗାଳି ବି ଦେଇଛନ୍ତି । ପଞ୍ଚାୟତ ସମିତି କାର୍ଯ୍ୟାଳୟ ଭିତରେ ବିଡିଓ ଏମିତି ଦବଙ୍ଗଗିରିକୁ ନେଇ ଏବେ ସାରା ଜିଲ୍ଲାରେ ଚର୍ଚ୍ଚା ଆରମ୍ଭ ହୋଇଥିଲା ବେଳେ ଆନେ୍ଦାଳନ କରି ବିଡିଓଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କରିଛି ସଂଘ । ପିଇଓଙ୍କୁ ମାଡ଼ ଘଟଣା ନେଇ କିଶୋର ନଗର ପଞ୍ଚାୟତ ସମିତି ଅଧ୍ୟକ୍ଷା ବବିତା ପ୍ରଧାନଙ୍କ ନିକଟରେ ମିଳିତ ପଞ୍ଚାୟତ ନିର୍ବାହୀ ଅଧିକାରୀ ଓ ଗ୍ରାମ ରୋଜଗାର ସେବକ ସଂଘ ପକ୍ଷରୁ ବିଡିଓଙ୍କ ବିରୋଧରେ ଲିଖିତ ଅଭିଯୋଗ କରାଯାଇଛି । ଅଭିଯୋଗ ଅନୁସାରେ, ରଣିଆକଟା ପିଇଓ ଅରବିନ୍ଦ ଭୋକ୍ତା ଭୋଟ ତାଲିକା ଦାଖଲ କରିବାକୁ ଗତ ୯ ତାରିଖ ସନ୍ଧ୍ୟାରେ ବ୍ଲକ କାର୍ଯ୍ୟାଳୟକୁ ଆସିଥିଲେ । କିଛି କାମ ବାକି ଥିବାରୁ ସେ କାର୍ଯ୍ୟାଳୟର ଗୋଟିଏ ପାଶ୍ୱର୍ରେ ବସି ସମ୍ପୂର୍ଣ୍ଣ ତାଲିକା ପ୍ରସ୍ତୁତ କରିଥିଲେ । ଏହି ସମୟରେ ବିଡିଓ ତାଙ୍କୁ ଡକାଇ ଗାଳି ଗୁଲଜ କରିଥିଲେ । ତଥାପି ତାଙ୍କର ରାଗ ଶାନ୍ତ ହୋଇନଥିଲା । ବରଂ ମୁଣ୍ଡକୁ ପିତ୍ତ ଚଢ଼ି ଯାଇଥିଲା । ଆଉ ଗୋଡ଼ରୁ ବିଡିଓ ଚପଲ ଖୋଲି ପିଇଓଙ୍କୁ ନିର୍ଧୁମ ବାଡେ଼ଇଥିଲେ । ଏହି ସମୟରେ ପଞ୍ଚାୟତ ସମିତିର ବହୁ ଅଧିକାରୀ ଓ କେତେଜଣ ପିଇଓ ମଧ୍ୟ ଉପସ୍ଥିତ ଥିଲେ । ସେମାନେ ବିଡିଓଙ୍କୁ ବୁଝାସୁଝା କରିଥିଲେ ମଧ୍ୟ ସେ କିଛି ଶୁଣିନଥିଲେ ।
