ଧର୍ମେନ୍ଦ୍ରଙ୍କ ପ୍ରତିଶ୍ରୁତି ଅଯଥାର୍ଥ: ଭର୍ତୁହରି
ଧର୍ମେନ୍ଦ୍ରଙ୍କ ପ୍ରତିଶ୍ରୁତି ଅଯଥାର୍ଥ: ଭର୍ତୁହରି
admin
4981
ଭୁବନେଶ୍ୱର: ୧ଟଙ୍କାରେ ଖାଦ୍ୟ ସାମଗ୍ରୀ ଦେବା ନେଇ ଧର୍ମେନ୍ଦ୍ରଙ୍କ ପ୍ରତିଶ୍ରୁତି ପ୍ରସଙ୍ଗର ପ୍ରତିକ୍ରିୟା ରଖିଛନ୍ତି ବିଜେଡି ସାଂସଦ ଭର୍ତୁହରି ମହାତାବ । ବିଜେପିର ଏହି ଘୋଷଣା ଆକାଶ କଇଁଆ ଚିଲିକା ମାଛ ସଦୃଶ । ଓଡିଶାବାସୀ ଏହି ପ୍ରତିଶ୍ରୁତିକୁ ବିଶ୍ୱାସ କରିବେ ନାହିଁ । ବିକଳ ହୋଇ କିଛି ପ୍ରତିଶ୍ରୁତି ଦେବା ଯଥାର୍ଥତା ନାହିଁ ବୋଲି ଭର୍ତୁହରି କହିଛନ୍ତି ।
ପ୍ରକାଶ ଯେ, ବିଜେପି ସରକାରକୁ ଆସିଲେ ମାତ୍ର ଟଙ୍କାକରେ ଡାଲି, ଚାଉଳ ଓ ଲୁଣ ଦେବ । ଶନିବାର ଚୌଦ୍ୱାର ସଭାରେ ଏହି ଘୋଷଣା କରିଥିଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ସେ କହିଥିଲେ ୧ ଟଙ୍କାରେ ୫କେଜି ଚାଉଳ, ୫୦୦ ଗ୍ରାମ ଡାଲି ଓ ୫୦୦ ଗ୍ରାମ ଲୁଣ ଦିଆଯିବ । ଖାଦ୍ୟ ସୁରକ୍ଷା ଯୋଜନାରେ ଅନ୍ତର୍ଭୁକ୍ତ ହିତାଧିକାରୀମାନଙ୍କୁ ଏହି ଖାଦ୍ୟ ସାମଗ୍ରୀ ମାତ୍ର ୧ ଟଙ୍କାରେ ଦିଆଯିବ ବୋଲି ଘୋଷଣା କରିଥିଲେ ମନ୍ତ୍ରୀ । ଖାଦ୍ୟ ସୁରକ୍ଷା ଯୋଜନାରେ ଥିବା ୩.୨୬ କୋଟି ହିତାଧିକାରୀଙ୍କୁ ଏହା ପ୍ରଦାନ କରାଯିବ ବୋଲି ସେ ଘୋଷଣା କରିଛନ୍ତି ।
