ଦେବୀ ମିଶ୍ର ହସ୍ପିଟାଲରେ ଭର୍ତ୍ତି

Dec 30, 2021 - 21:03 Updated: Dec 30, 2021 - 21:03

3521

ଭୁବନେଶ୍ୱର: ବରିଷ୍ଠ ବିଜେଡି ନେତା ତଥା ବଡ଼ମ୍ବା ବିଧାୟକ ଦେବୀ ପ୍ରସାଦ ମିଶ୍ର ଅସୁସ୍ଥ। ଅଚାନକ ତାଙ୍କ ସ୍ୱାସ୍ଥ୍ୟରେ ସମସ୍ୟା ହେବାରୁ ରାଜଧାନୀର ଏକ ଘରୋଇ ହସ୍ପିଟାଲରେ ତାଙ୍କୁ ଭର୍ତ୍ତି କରାଯାଇଛି। ଏହି ଖବର ପାଇବା ପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ତାଙ୍କ ଆଶୁ ଆରୋଗ୍ୟ କାମନା କରିଛନ୍ତି। ନିଜେ ଟ୍ୱିଟ କରି ନବୀନ ଏ ସମ୍ପର୍କରେ ଜଣାଇଛନ୍ତି । ନବୀନ ଲେଖିଛନ୍ତି, ବିଧାୟକ ଦେବୀ ମିଶ୍ର ଅସୁସ୍ଥତା କାରଣରୁ ଡାକ୍ତରଖାନାରେ ଚିକିତ୍ସିତ ହେଉଥିବା ବିଷୟରେ ଅବଗତ ହେଲି। ତାଙ୍କର ଆଶୁ ଆରୋଗ୍ୟ ଓ ଉତ୍ତମ ସ୍ୱାସ୍ଥ୍ୟ କାମନା କରୁଛି। ଗୁରୁବାର ସନ୍ଧ୍ୟାରେ ନିଜେ ଦେବୀ ମିଶ୍ର ଟ୍ୱିଟ କରି ତାଙ୍କ ଅସୁସ୍ଥତା ନେଇ ଜଣାଇଛନ୍ତି ଯେ ସି ରିଆକ୍ଟିଭ ପ୍ରୋଟିନ ଯାହାକି ୬ରୁ ୮ ରହିବାକଥା ତାହା ଅତ୍ୟଧିକ ଅଧିକ ହେବାରୁ ମୁଁ ଭୁବନେଶ୍ୱରର ଏକ ପ୍ରତିଷ୍ଠିତ ହସ୍ପିଟାଲରେ ଡାକ୍ତରଙ୍କ ପରାମର୍ଶ ଅନୁଯାୟୀ ଭର୍ତ୍ତି ହୋଇଛି ।