ନିର୍ବାଚନରେ କଂଗ୍ରେସ ଜିତିବ : ନିରଞ୍ଜନ

Apr 30, 2019 - 04:45 Updated: Apr 30, 2019 - 04:45

5700

ଭୁବନେଶ୍ୱର : ନିର୍ବାଚନ ଫଳାଫଳ କଂଗ୍ରେସ ସପକ୍ଷରେ ଯିବ । ଏମିତି ଆକଳନ କରିଛନ୍ତି ପିସିସି ସଭାପତି ନିରଞ୍ଜନ ପଟ୍ଟନାୟକ । ନିରଞ୍ଜନ କହିଛନ୍ତିଯେ, ଗଣତନ୍ତ୍ରର ମହାପର୍ବରେ ସାମିଲ ହୋଇ ଯେଉଁଭଳି ମତଦାତାମାନେ ନିଜର ମୌଳିକ କର୍ତବ୍ୟ ସମ୍ପାଦନ କରିଛନ୍ତି ସେଥିପାଇଁ ସେମାନେ ଧନ୍ୟବାଦର ପାତ୍ର । ବିଜେଡ଼ି ଓ ବିଜେପି ଲୋକମତକୁ ପ୍ରଭାବିତ କରିବା ପାଇଁ ବିଭିନ୍ନ ସ୍ଥାନରେ ହିଂସାକାଣ୍ଡ ଭିଆଇଥିବା ସହିତ ଇଭିଏମ ମେସିନ ଭାଙ୍ଗିଛନ୍ତି । ଉଭୟ ବିଜେଡ଼ି ଓ ବିଜେପିର ବ୍ୟୟବହୁଳ ପ୍ରଚାର ଓ ଅର୍ଥ କାରବାର ଆଗରେ କଂଗ୍ରେସ ପଛରେ ରହିଥିଲେ ମଧ୍ୟ ବିକାଶର ସଂକଳ୍ପ ନେଇ ସାଧାରଣ ଜନତାଙ୍କୁ ଯେଉଁ ଭରସା ଦେଇଛି ସେଥିରୁ ପଛାଇବ ନାହିଁ ବୋଲି ନିରଞ୍ଜନ କହିଛନ୍ତି । ନିର୍ବାଚନକୁ ଅବାଧ ଓ ନିରପେକ୍ଷ ଭାବେ ପରିଚାଳନା ଦିଗରେ କଂଗ୍ରେସର କେନ୍ଦ୍ର ଓ ରାଜ ନେତୃବୃନ୍ଦ ସମସ୍ତ ଦଳୀୟ କର୍ମକର୍ତା ଓ ନିର୍ବାଚନ ଲଢ଼ୁଥିବା ପ୍ରାର୍ଥୀ ଓ ଦଳୀୟ କର୍ମୀ ଯେଭଳି କାର୍ଯ୍ୟ କରିଛନ୍ତି ସେଥିପାଇଁ ସେମାନଙ୍କୁ ନିରଞ୍ଜନ ସାଧୁବାତ ଜଣାଇଛନ୍ତି । ପ୍ରିଜାଇଡ଼ିଂ କର୍ମଚାରୀ, ନିର୍ବାଚନ ଅଧିକାରୀ ଓ ଗଣମାଧ୍ୟମର ପ୍ରତିନିଧିମାନେ ସେମାନଙ୍କ ଦାୟିତ୍ୱ ସୁଚାରୂ ରୂପେ ତୁଲାଇ ପରିଚାଳନାଗତ ତ୍ରୁଟି ଓ ଶାସକ ଦଳର ବିଶୃଙ୍ଖଳାକୁ ଦୃଷ୍ଟିକୁ ଆଣିଥିବାରୁ ନିରଞ୍ଜନ ଅଭିନନ୍ଦନ ଜଣାଇଛନ୍ତି ।