ତିନି ଜିଲ୍ଲାରେ କୁହୁଡ଼ି ପଡ଼ିବ

Dec 9, 2019 - 06:17 Updated: Dec 9, 2019 - 06:17

4197

ଭୁବନେଶ୍ୱର : ଶନିବାରଠାରୁ ପାଗରେ ସାମାନ୍ୟ ପରିବର୍ତ୍ତନ ଆସିଛି । ରାତିର ତାପମାତ୍ରା ବଢ଼ିବା ସହ ଥଣ୍ଡା କମିଛି । ଆସନ୍ତା ୪ ତାରିଖ ଯାଏଁ ଏଭଳି ସ୍ଥିତି ଲାଗି ରହିବ । ଏଥିସହ କଳାହାଣ୍ଡି, କନ୍ଧମାଳ ଓ ଅନୁଗୁଳ ଜିଲ୍ଲାରେ ଘନ କୁହୁଡ଼ି ଲାଗି ରହିବ । ଆଉ କେତେକ ସ୍ଥାନରେ ହାଲକା କୁହୁଡ଼ି ବି ହୋଇପାରେ । ତେବେ ୨ ରୁ ୩ ଦିନ ପର୍ଯ୍ୟନ୍ତ ରାତିରେ ତାପମାତ୍ରାରେ ସେଭଳି ପରିବର୍ତ୍ତନ ହେବ ନାହିଁ ବୋଲି ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ ପୂର୍ବାନୁମାନ କରାଯାଇଛି । ଗତ ୨୪ ଘଣ୍ଟା ମଧ୍ୟରେ ଫୁଲବାଣୀରେ ସର୍ବନିମ୍ନ ତାପମାତ୍ରା ୮.୩ ଡିଗ୍ରୀ ରେକର୍ଡ କରାଯାଇଥିବା ବେଳେ ଟିଟିଲାଗଡ଼ରେ ୯, ଦାରିଙ୍ଗବାଡ଼ିରେ ୧୦, ସୁନ୍ଦରଗଡ଼ ଓ ସୋନପୁରରେ ୧୧, ଅନୁଗୁଳରେ ୧୨.୬, ବଲାଙ୍ଗୀର ଓ କୋରାପୁଟରେ ୧୩, ଭବାନୀପାଟଣାରେ ୧୩.୫ ଝାରସୁଗୁଡ଼ାରେ ୧୩.୬, ସମ୍ବଲପୁର ୧୩.୭, କେନ୍ଦୁଝର ୧୩.୮, ତାଳଚେରରେ ୧୪.୭ ଡିଗି୍ର ରେକର୍ଡ କରାଯାଇଛି ।