ଡିସେମ୍ବରରେ ଓଡ଼ିଶା ଆସିବେ ଜାପାନ ପ୍ରଧାନମନ୍ତ୍ରୀ ଓ ମୋଦୀ !
ଡିସେମ୍ବରରେ ଓଡ଼ିଶା ଆସିବେ ଜାପାନ ପ୍ରଧାନମନ୍ତ୍ରୀ ଓ ମୋଦୀ !
admin
3114
ଭୁବନେଶ୍ୱର କିମ୍ବା କୋଣାର୍କରେ ହୋଇପାରେ ଭେଟଘାଟ
ନୂଆଦିଲ୍ଲୀ : ଜାପାନ ପ୍ରଧାନମନ୍ତ୍ରୀ ସିଞ୍ଜୋ ଆବେ ଆସନ୍ତା ଡିସେମ୍ବରରେ ଭାରତ ଆସିପାରନ୍ତି । ମୋଦୀଙ୍କ ସହିତ ବାର୍ଷିକ ସମ୍ମିଳନୀରେ ଯୋଗ ଦେବା ପାଇଁ ସେ ଆସିବେ ବୋଲି କୁହାଯାଉଛି । ତେବେ ଏହି ସମ୍ମିଳନୀ ଓଡ଼ିଶା କିମ୍ବା ଆସାମରେ ହେବାର ସମ୍ଭାବନା ରହିଛି ବୋଲି ଜାତୀୟ ଗଣମାଧ୍ୟମରେ ରିପୋର୍ଟ ପ୍ରକାଶ ପାଇଛି । ମୋଦୀ ଏବଂ ଆବେଙ୍କ ବାର୍ଷିକ ସମ୍ମିଳନୀକୁ ଡିସେମ୍ବର ୧୩ ରୁ ୧୭ ମଧ୍ୟରେ କରିବା ପାଇଁ ଦୁଇ ଦେଶରେ ସରକାର ପ୍ରସ୍ତୁତି ଚଳାଇଛନ୍ତି । ତେବେ ଭାରତ ସରକାର ଆସାମ କିମ୍ବା ଓଡ଼ିଶାରେ ଏହି ସମ୍ମିଳନୀ କରିବା ଉପରେ ଗୁରୁତ୍ୱ ଦେଉଛନ୍ତି । ଆସାମର ଗୌହାଟି ପ୍ରଥମ ପସନ୍ଦ ରହିଥିବା କୁହାଯାଉଥିଲେ ମଧ୍ୟ ଭୁବନେଶ୍ୱର ମଧ୍ୟ ଦୃଢ଼ ଦାବିଦାର ରହିଛି । ଏପରିକି ଏହି ସମ୍ମିଳନୀ କୋଣାର୍କରେ ମଧ୍ୟ ହେବାର ଯଥେଷ୍ଟ ସମ୍ଭାବନା ରହିଛି । ନିକଟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ଚୀନ ରାଷ୍ଟ୍ରପତି ସି ଜିନପିଙ୍ଗଙ୍କ ମଧ୍ୟରେ ଯେଭଳି ସମ୍ମଳିନୀ ତାମିଲନାଡ଼ୁର ମହାବଳିପୁରମଠାରେ ହେଲା ମୋଦୀ ଏବଂ ଆବେଙ୍କ ସମ୍ମିଳନୀ ସେହିଭଳି କୋଣାର୍କରେ କରିବା ଲାଗି ଚିନ୍ତା କରାଯାଉଛି । ଆବେଙ୍କ ଭାରତ ଗସ୍ତ ପୂର୍ବରୁ ଦୁଇ ଦେଶ ମଧ୍ୟରେ ପ୍ରତିରକ୍ଷା ଓ ବୈଦେଶିକ ବ୍ୟାପାର ମନ୍ତ୍ରୀସ୍ତରୀୟ ବୈଠକ ଆସନ୍ତା ୩୦ ତାରିଖରେ ହେବାର କାର୍ଯ୍ୟକ୍ରମ ରହିଛି ।
